La organización tresllada una montonera de problemes y esixencies rellacionaes cola asignatura nes etapes de Primaria, Secundaria y Bachilleratu
Iniciativa pol Asturianu entregó esti informe a los equipos de trabayu de la Conseyería de Cultura, d’Educación y a la Dirección...
Iniciativa pol Asturianu y la compañía telefónica Nordés tan acabantes de roblar un alcuerdu de collaboración. D'esta manera, los y les socies de la organización de reivindicación llingüística van poder acceder a un descuentu del 5% na tarifa mensual....
Iniciativa pol Asturianu y la Universidá d'Uviéu tán acabante roblar un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. El conveniu, robláu por Luis J. Rodríguez Muñiz, Vicerrector d'Estudiantes, ya Inaciu Galán, presidente d'Iniciativa pol Asturianu, tien una duración indefinida y como oxetivu " ye fomentar la formación práctica de los estudiantes de la Universidá d'Uviéu n'Iniciativa pol Asturianu".
El pasáu 10 d'avientu pesllábense los V Cursos d'Asturianu en Xixón nun actu presidíu por Xosé Antón González Riaño, vicepresidente de l'Academia de la Llingua Asturiana. Nel actu intervinieron tamién, amás de los alumnos, Inaciu Galán, presidente d'Iniciativa pol Asturianu, y Sabel Tuñón y Teno Prau, vocal de Voluntariáu y ayalgueru, respectivamente.
Esti miércoles 4 de marzu representantes del Círculu de Derechos Llingüísticos de Podemos tuvieron nel llar d’Iniciativa pol Asturianu en Xixón nun conceyu convocáu polos miembros d’esti círculu de Podemos Asturies pa conocer les nueses propuestes al respective de la política llingüística, de cara a proponer delles d’eses propuestes a la so formación pa incluyiles nel programa electoral de les vinientes elecciones autonómiques.
Hasta'l momentu, la iniciativa arrexuntó más de 70 bones práctiques, d'un total de 12 países y 24 llingües, ente les que tán los proyectos audiovisuales d'Iniciativa pol Asturianu, asina como, tamién dende Asturies, el proyectu "La escolina" de formación n'asturianu pa neños de Reciella. Families pol asturianu.
Ta acabante confirmase que la nueva llei que regulará la RTPA nun va incluyir nengún tipu d’avance pal usu de la llingua asturiana. El testu llexislativu va votase esti viniente día 17 na Xunta Xeneral. Iniciativa pol Asturianu denuncia qu’esta llei que va aprobase colos votos de FSA-PSOE y PP nun tien en cuenta les propuestes feches dende numberosos colectivos sociales, y al traviés d’enmiendes dende Foru Asturies ya Izquierda Xunida, pa que la presencia del asturianu tuviere una meyor situación.
Un puestu informativu d'Iniciativa pol Asturianu con materiales a la venta y voluntariáu de la organización, va tar dientro del ciclu de música organizáu por Ixuxú Asturies-Euskal Herria elkartea. El conciertu celébrase esti sábadu'l 31 de xineru na Sala Whippoorwill, colos grupos Skakeitan y Skama la Rede.
El presidentre d'Iniciativa pol Asturianu, Inaciu Galán dio una conferencia na Universidá d'Oxford, el pasáu 20 de marzu, y dientro del marcu del XVI Forum for Iberian Studies. Embaxo'l títulu "L'asturianu: l'anomalía d'una llingua non oficial nun estáu plurillingüe", Galán esplicó l'anómala situación llegal del asturianu, solo compartida col aragonés nel estáu español, como llingua ensin reconocimientu d'oficialidá dientro del marcu d'un estáu con otres llingües oficiales.
El pasáu 11 de payares, Darío de Dios, miembru de la directiva d'Iniciativa pol Asturianu, aconceyó con Esther Castro, responsable del Serviciu de Normalización Llingüística nel Conceyu de Siero. La idega yera conocer de cerca'l trabayu y la situación d'esti SNL y buscar xeres nes que trabayar a comuña pola normalización de la nuesa llingua na sociedá asturiana, y n'especial nel conceyu de Siero.