Qué facemos

Trabayamos p’algamar espacios de normalidá pa la llingua asturiana, al traviés d’acciones concretes que mos permitan llegar a alcuerdos con entidaes de tou tipu que supongan afitar l’usu del asturianu n’ámbitos nuevos.

Iniciativa pol Asturianu trabaya pola busca de consensos y alcuerdos sobre l’usu del asturianu, pero tamién fai usu de campañes reivindicatives nes situaciones nes que ye necesario.

A nivel organizativu, puxamos pa crear una rede nel territoriu asturianu que-y permita a la organización tener una presencia na cai en tolos conceyos d’Asturies, averando la reivindicación llingüística a tolos ciudadanos. Apostamos por un modelu de reivindicación, qu’ensin escaecer el problema global de la situación del idioma, igüe problemes concretos nel usu del mesmu en tolos ámbitos.