¿Cómo cambiar el nome y apellíos al asturianu?

Poner el nome y los apellíos n’asturianu ye bien fácil y con ello adaptes la forma que realmente uses, cuando ye asina, o sofites faciendo’l cambiu la presencia del idioma nel día a día y de forma mui efectiva.

Pasu 1. Solicita’l certificáu

Pidi un certificáu a l’Academia de la Llingua Asturiana. Pa ello, unvia un corréu a alla@academiadelallingua.com nel qu’indiques el to nome, apellíos, DNI y dirección postal na que quies recibir el documentu.

Pasu 2. Faite con un certificáu d’empadronamientu

Faite con un certificáu d’empadronamientu nel to Conceyu.

Pasu 3. Solicita una copia del certificáu de nacencia

Solicita una copia del certificáu de nacencia nel Rexistru Civil. Pues facer esti trámite de forma cencilla y ensin movete de casa na sede electrónica del Ministeriu de Xusticia.

Pasu 4. Pidi’l cambiu nel to Rexistru

Lleva al to Rexistru Civil correspondiente los trés certificaos, la instancia y una fotocopia del DNI. El trámite ‘Adaptación del nome al idioma de la CA’ ye inmediatu y nun tien costu nengún.

Pasu 5. Cambiu de DNI

En teniendo’l cambiu fechu nel Rexistru, pues dir a la Comisaría col certificáu y anovar el DNI ensin costu.

¡Recuerda!

Tolos documentos previos col nome anterior siguen siendo válidos a tolos efectos y nun ye necesario anovalos pa que sigan teniendo vixencia.

Si tienes duldes o problemes nel procesu puedes escribinos a info@iniciativapolasturianu.org

Descargar instancia