Iniciativa pol Asturianu entama los díes 3 y 17 d’ochobre la segunda edición del so Club de Llectura n’asturianu. La obra a la que tará dedicáu esta vegada va ser “Los solevaos de la Bounty”, de Jules Verne (torna de Xesús González Rato).
Iniciativa pol Asturianu recibió la denuncia d’un alumnu del IES Santa Cristina de L.lena al que se-y negaba, xunto otru compañeru, la posibilidá de cuntar cola asignatura d’asturianu, tal y como garantiza la Llei d’Usu del asturianu de 1998 y una sentencia del Tribunal Superior de Xusticia d'Asturies, derivándolu a otra asignatura. Nesti casu la responsabilidá paez venir de la falta d’hores de profesoráu d’asturianu otorgaes al centru dende la Conseyería y tamién del desconocimientu del centru de la posibilidá del IES de pidir una ampliación de xornada, polo que dende esta organización se-y encamentó al alumnu reclamar tanto al centru como al propiu Conseyeru d’Educación.
Cada mes, nel programa radiofónicu Iniciativa pol Asturianu nes ondes emítese una editorial sobre cuestiones llingüistiques. Reproducimos equí la del mes d'ochobre, sobre la falta d'usu del asturianu nos Premios Príncipe.
El sábadu pasáu, 10 de xineru, zarró’l plazu pa presentar candidatures a los Premios Timón 2015 entamaos pola Asociación Cultural L’Arribada. Feches públiques les nominaciones, Iniciativa pol Asturianu ta nesta ocasión nominada pal III Premiu Timón de Cultura Asturiana, un premiu empobináu a asociaciones, sociedaes y fundaciones con sede n’Asturies que tengan por fin la conservación y promoción de la identidá cultural de nueso.
Iniciativa pol Asturianu collabora xunto con otres entidaes pol concursu entamáu pol programa de radio "El Xarabatu" de la emisora llocal Llaviana Fm 107.7. Esti concursu cunta cola collaboración de los colexos públicos, Elena Sanchez Tamargo, de Llaviana y Maximiliano Arboleya, de Barredos, un concursu de rellatos curtios con dibuxu, dirixíu, a los escolinos y escolines, de Primaria, que reciben clases d'asturianu, y que va tener trés categoríes de premios y un premiu especial.
Contautamos con Alba López Carballo, del Club Popular de Cultura Llaranes, cola qu'afondamos nes actividaes que faen nesti pobláu averáu a la ciudá d'Avilés. Y rematamos el nuesu programa con una charra perprestosa con Xuan Xosé Sánchez Vicente, veteranu políticu asturianu que mos cuntará cómo se vivió aquella primer manifestación "Bable nes Escueles" de fai cuarenta años y el procesu de la introducción del asturianu nel primer Estatutu d'Autonomía d'Asturies.
Iniciativa pol Asturianu aporta col editorial del Presidente d'Iniciativa pol Asturianu, Inaciu Galán, que fai una reflexón al rodiu les declaraciones de la cabezalera del PP n'Asturies, Mercedes Fernández "Cherines".
XIXÓN, 30/06/2021. Dempués de la celebración del IV Congresu de Foro Asturies, Iniciativa pol Asturianu quier amosar la norabona de la organización por esi pasu alantre en defensa de la pluralidá llingüística y por recoyer nos Estatutos del partíu...
Tres conocese’l cese definitivu de Francisco González Orejas al frente del ente públicu, Iniciativa pol Asturianu volvió incidir na necesidá de que la nueva dirección de la RTPA tea encabezada por un perfil qu’apueste de manera decidida pol aumentu...
Estos díes felicitábemos a los y les conceyales que xuraron o prometieron el so cargu n'asturianu en más de 24 conceyos d'Asturies. Agora felicitamos tamién al nuevu alcalde de Bimenes, Aitor García Corte (Partíu Asturianista) y l'alcaldesa de Peñamellera Alta, Rosa Domínguez de Posada (Foro) tomaron posesión del so cargu n'asturianu. Ye un xestu que celebramos pero qu'esperamos que venga acompañáu de la toma de les midíes necesaries pa normalizar l'usu del asturianu nel ámbitu de los sos Conceyos.