La presencia de la llingua asturiana desapaeció nel estand del Principáu d’Asturies na última edición de la Feria Internacional de Turismu (FITUR). L’asturianu y l’eonaviegu nun s’utilizaron en nengún de los elementos comunicativos, nin siquiera nel llogotipu institucional “Principáu...
Esti xueves 6 de febreru, represenantes del colectivu Iniciativa pol Asturianu van aconceyar con Teresa Sanjurjo, directora de la Fundación Príncipe d'Asturies, nel llar d'esta entidá n'Uviéu. El conceyu celébrase un añu dempués de los primeros contactos ente les dos organizaciones, cuando dende Iniciativa pol Asturianu se-y solicitó a la entidá organizadora de los Premios Príncipe d'Asturies que la llingua asturiana tuviere presencia na so actividá.
Iniciativa pol Asturianu abrió’l plazu de matriculación p’apuntase a los nuevos cursos de llingua asturiana (nivel básicu 1 y nivel básicu 2) de branu que van facese pola vía a distancia, al traviés d’una plataforma dixital.
Los cursos van tener...
La nuesa solicitú pasa porque los nomes tradicionales y agora oficiales de los pueblos y ciudaes d’Asturies apaezan de forma automática, y nun dependan de la voluntá del funcionariu de turnu, que se-y permita al ciudadanu llevar o non el nome correctu del so llugar. Amás, solicitamos que, igual qu’ocurre n’otros territorios con llingua propia, el DNI vaya redactáu en billingüe (asturianu/castellán) una reivindicación que dellos ciudadanos ficieron yá nes comisaríes d’Asturies y que sigue ensin respuesta.
Iniciativa pol Asturianu y la Universidá d'Uviéu roblaron va dos años un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. La organización ta agora en cata de persones interesaes en sumase al equipu de trabayu de la organización demientres el so periodu de práctiques de Grau, máster o títulu propiu.
Cuando cuasi naide apostaba por una radiotelevisión pública asturiana, el movimientu de reivindicación llingüística yá reclamaba la so esistencia, como importantísima ferramienta de normalización del asturianu. Dempués, aquellos que nun la queríen, sumáronse, y fundóse la Radiotelevisión del Principáu d'Asturies. El restu de la hestoria yá la conocen. Una radio y una televisión na que l'asturianu tien una presencia marxinal, menos d'un 4% nos primeros cuatro años. Esto ye, la televisión asturiana emitió más hores d'autopublicidá que de programación n'asturianu.
Iniciativa pol Asturianu abrió esti llunes el plazu de matriculación p’apuntase al nuevu cursu de llingua asturiana (nivel básicu 1) que va facese a distancia, al traviés d’una plataforma dixital. La formación va tener una duración de 36 hores...
La discoteca Zaykor de Cangas del Narcea foi l'espaciu escoyíu pa la celebración del II Concursu de karaoke n'asturianu "Búscase una estrella", qu'Iniciativa pol Asturianu organizó coincidiendo cola presencia en Cangas de la Universidá Asturiana de Branu (UABRA) de l'Academia de la Llingua Asturiana y la Universidá d'Uviéu.
El sábadu pasáu, 10 de xineru, zarró’l plazu pa presentar candidatures a los Premios Timón 2015 entamaos pola Asociación Cultural L’Arribada. Feches públiques les nominaciones, Iniciativa pol Asturianu ta nesta ocasión nominada pal III Premiu Timón de Cultura Asturiana, un premiu empobináu a asociaciones, sociedaes y fundaciones con sede n’Asturies que tengan por fin la conservación y promoción de la identidá cultural de nueso.
La ONG esixe que respete la voluntá d’elección de los padres a la hora d’escoyer asturianu na ufierta educativa y que nun menosprecie el deprender asturianu
“Ye completamente inalmisible declaraciones d’esi tipu nun centru educativu sobre una asignatura na que...