La organización Iniciativa pol Asturianu ta acabante firmar un conveniu con Splitweet, un xestor de cuentes de Twitter pol que la plataforma ufre dende agora una versión n’asturianu de tol sistema, lo que permite usar Twitter dafechu n’asturianu, pudiendo xestionar amás delles cuentes al mesmu tiempu. El sistema permite usar Twitter dende la plataforma Splitweet con tolos mesmos servicios qu’esisten na web d’esta rede social.
La estaya mensual d'Iniciativa pol Asturianu del mes de setiembre na revista Fusión Asturias yá ta nos quioscos y nesti casu ta dedicada a la lliteratura, colos microrrellatos ganadores del concursu "Entaína a escribir".
Esti miércoles 20 de xineru, de magar les 19 hores, entamen les xornaes que la Oihaneder Euskararen Etxea de Vitoria-Gasteiz va dedicar al asturianu, dientro del ciclu dedicáu a llingües minorizaes que tienen en marcha nesti espaciu de difusión de la cultura n’euskera, abiertu a la presencia d’otres cultures y llingües, como l’asturiana nesti casu.
La dirección d'Iniciativa pol Asturianu quier espresar el so sofitu a la familia, compañeros y amigos de Sergio Marqués, ex Presidente d'Asturies, recordando'l so compromisu cola llingua asturiana, que lu llevó a convertise nel únicu presidente qu'aprobó una Llei d'Usu del Asturianu nos más de trenta años d'autonomía asturiana.
La Xunta Direutiva d'Iniciativa pol Asturianu aconceyó de forma ordinaria en Xixón el pasáu sábadu 21 de xunetu. L'aconceyamientu sirvió pa facer repás de les actividaes y campañes entamaes a lo llargo de los meses pasaos. Aprobóse la celebración d'un conceyu cola Asociación de Trabayadores de Normalización Llingüística pal mes d'agostu, asina como la presencia en dellos actos y celebraciones, ente les que destaca la Universidá Asturiana de Branu de l'ALLA, onde se celebrarán delles actividaes.
Iniciativa pol Asturianu nes ondes emite na so rede d'emisores y del 17 al 24 d’ochobre, un programa que tien por convidáu a Xune Elipe, cantante del grupu musical Dixebra, col que Samuel Gradín charra fonderame de milenta temes.
Toles noticies de les últimes selmanes tán disponibles nel nuesu boletín informativu.
Iniciativa pol Asturianu va celebrar esti sábadu 30 de mayu, en Xixón, el so segundu Congresu, que como marquen los estatutos de la organización ha celebrase cada trés años y ha sirvir pa marcar les llinies de trabayu de los trés años siguientes, asina como anovar la Xunta Direutiva cola votación de la Xunta Xeneral d'asociaos y asociaes.
Iniciativa pol Asturianu llamenta la oportunidá perdida pa la normalización del asturianu na nueva web institucional del Conceyu d'Avilés. El nuevu diseñu del portal estrenóse la selmana pasada n'internet con una versión en castellán y la promesa de dir ufiertando esos conteníos n'otres llingües, entamando pol inglés. Pa l'asociación, ye inaceptable que'l gobiernu municipal escaeza l'asturianu y arrenuncie a normalizar la llingua propia na rede, magar que cunta con un serviciu de normalización n'activu, la Estaya de la Llingua, que bien podría encargase d'esti trabayu.
“Güei ye un día de reconocimientu y d’homenaxe a toles persones que queremos un futuru pal nuesu idioma y a tolos falantes d’otres llingües minorizaes”
“L’asturianu, al igual, que les otres 7000 llingües qu’hai, ye una riqueza cultural a nivel...