La llingua asturiana vista dende la perspectiva d'una asturiana a la que-y toca vivir lloñe d'Asturies, en Castelló. Cristina Álvarez Villanueva participó esti añu nos IV Cursos d'Asturianu en Xixón, a distancia, y estes son les sos reflexones, qu'agora compartimos.
Esti domingu 5 d'agostu, el voluntariáu de la organización tará presente pela primer vez nesta edición del festival xixonés que cuenta con desfiles, actuaciones musicales, deportes tradicionales y otres actividaes, especialmente nes primeres hores de la tarde.
Iniciativa pol Asturianu recibió yá a confirmación del alcalde de Villaviciosa, Alejandro Vega. La propuesta d'Iniciativa pol Asturianu pasó yá pela comisión de cultura, y el Premio Villaviciosa va tresformase pal añu 2017 en Premiu Xosé Caveda y Nava, dedicándose a obres n'asturianu.
El llunes pasáu, 15 d’abril, nel Centru de Recursos del Conseyu de la Mocedá del Principáu d’Asturies, celebróse'l pieslle y la entrega de diplomes del I Cursu d'Asturianu n’Uviéu, qu'organiza Iniciativa pol Asturianu col encontu de l'Academia de la Llingua Asturiana (ALLA).
Convócase la Xunta Direutiva al primer aconceyamientu mensual. La Xunta Direutiva sedrá abierta a tolos asociaos, como prometió la candidatura ganadora nel Congresu, col fin d'afalar la máxima tresparencia y participación. Nel tiempu d'entrugues y encamientos tolos asociaos qu'asina lo deseen podrán facer les sos intervenciones.
Iniciativa pol Asturianu asoleyó a entamos d'esti mes dos modelos de calendariu de mano pal 2013 que yá tán distribuyéndose per Asturies. Los calendarios, tán dedicaos a la campaña "El futuru del asturianu depende de TI" y al usu del asturianu nel ámbitu educativu.
Iniciativa pol Asturianu nes ondes aporta con un nuevu programa. Nes ocasión entamamos col editorial de Xose B. Álvarez col títulu: "Asturies dende otru puntu vista".
Esti xueves 28 a les 19 hores va presentase en Litografía Viña, Xixón, el llibru colos testos ganadores del II Concursu de Microrrellatos y Micropoemes Musa Cafeína & Litografía Viña. Iniciativa pol Asturianu collaboró con Musa Cafeína y Litografía Viña nesta convocatoria del II Concursu de Microrrellatos y Micropoemes col envís d’afalar la creatividá lliteraria en llingua asturiana.
Esti mes de payares cumpliéronse cuarenta años del entamu del movimientu de reivindiación llingüística modernu. El ñacimientu de Conceyu Bable en 1974 supunxo un cambiu importante na forma d’entender lo que ye la llingua asturiana, pasando de ser un elementu cásique namás folclóricu, a ser una seña d’identidá, una ferramienta pa espresase en tolos ámbitos de la vida, una llingua más y al mesmu tiempu la nuesa llingua, l’elementu más importante del nuesu patrimoniu cultural inmanterial.
El Coleutivu de Paraos y Precarios de Siero y Noreña denunció ayeri que l'alcalde de Noreña, Cesar Movilla, de al FSA-PSOE, negó-yos a estos ciudadanos l'usu de la llingua asturiana al traviés d'un escritu nel qu'obliga a esti coleutivu a volver a presentar el documentu "en castellano". Pa Iniciativa pol Asturianu esti ye un fechu que, amás de dir contra la llexislación vixente, lo que ye bien grave que se faiga dende les instituciones, ye un ataque a la dignidá y la igualdá de los ciudadanos asturianos que deciden en llibertá espresase na so llingua propia.