L’autor Juan Carlos García Hoyuelos visita Asturies pa presentar esta obra na qu’hai delles pieces tornaes al asturianu

Esti sábadu a partir de les 8 la tarde. nel chigre IPA la cerverceria del millón d'Ibus (asitiada nel 7 de la cai Rufo Rendueles, El Muro, de Xixón), Iniciativa pol Asturianu organiza la presentación de "Se lo dije a la noche / Díxi-ylo a la nueche". Un llibru-dvd del escritor castellanu Juan Carlos García Hoyuelos, con poemes tornaos a toles llingües de la Península. Nel actu van participar escritores y artistes asturianos y lleoneses, cuntando tamién cola actuación de la cantadora de tonada Anabel Santiago. 

Ente les persones participantes nel actu, que va cuntar con llectura de poesíes del llibru y una amuesa de los audiovisuales del dvd que lu acompaña, Javier Cayado, Roberto González-Quevedo, María Díaz Suárez, Alex Ordiales, Vítor Suárez, Denis Soria, Charo Martínez Domínguez, Javier Cubero, Alicia Valmaseda Merino o Rubén d’Areñes.

Dalgunos de los paticipantes van venir d’otres zones del dominiu llingüísticu del asturianu o asturlleonés, conviertiendo l’actu nun alcuentru de xermandía ente falantes d’una mesma llingua a un llau y otru del Cordal.

El 30% de les ventes del llibru demientres l'actu van ser donaes pa l’actividá d’Iniciativa pol Asturianu. La organización convida a dir y “tomar cerveza etiquetao n'asturianu y a esfrutar de la música y la lliteratura, a partir de les ocho la tarde”. Habrá un puestu informativu d'Iniciativa pol Asturianu.

 

Información sobre l’autor del llibru: http://www.artepoetica.net/Juan_Carlos_Garcia_Hoyuelos.htm

Información sobre’l llibru: http://www.espacioluke.com/2012/Enero2012/hoyuelos.html

Artículos venceyaosMás del autor