Ente les actividaes entamaes por Iniciativa pol Asturianu na Universidá Asturiana de Branu esti añu, tuvieron un puestu informativu y de venta de productos, delles folixes, concursu de karaoke y un programa de radio especial con Samuel Gradín, grabáu nel comedor de la UABRA cola participación d'Ana Cano, presidenta de l'ALLA, xunto a profesores como Marta Mori, Roberto González Quevedo o Pablo Rodríguez Medina, y alumnos d'estremaes procedencies, como Xapón, Austria o Canaries.
Hoi no noso programa falamos n'eonaviego col componente del grupo Os Folkgazais, Abel Pérez, que mos conta el trabayo que tan fendo y que ten el nome de "Alorias".
El nuevu programa d'Iniciativa pol Asturianu nes Ondes tien como convidáu al periodista de la radio pública d'Asturies (RPA) Naciu Varillas col qu'afondamos nel entamu del primer informativu xeneralista diariu na canal radiofónica, qu'entamó emitise va delles selmanes.
Yá ta disponible pa descargar un nuevu programa d'Iniciativa pol Asturianu nes ondes. Nesti casu tenemos como convidáu a una persona que ye abondo célebre polos sos trabayos na TPA (Televisión Autonómica d’Asturies) en programes como Terapia de Grupo o SuperAsturianos, Joaquín Pajarón, cómicu, actor y presentador.
Nel programa d'esti mes de Setiembre entamamos falando col biólogu Xurde Menéndez que cola so tesis al rodiu los RNA algamó sobresaliente cum laude amás de facer usu de trés llingües nel so trabayu: l'inglés, el castellán y l'asturianu;...
Entamamos el programa d'esta selmana cola seición #TVnaRadio col nuesu collaborador, el periodista Damián Barreiro, que mos fai un analís fonderu del nuevu espaciu n'asturianu na televisión autonómica.
Un nuevu programa d'Iniciativa pol Asturianu nes ondes llegar cola presentación del trabayu d’investigación sobre les opiniones de los equipos direutivos de los Centros Públicos d'Educación Primaria d'Asturies al rodiu del «Valir cultural y educativu de la escolarización de la llingua asturiana», ellaboráu pola profesora del departamentu de Ciencies de la Educación de la Universidá d’Uviéu, Isabel Hevia Artime.
La selmana pasada, Illán, el neñu del colexu Auseva al que la Conseyería d'Educación del Gobiernu d'Asturies negaba la posibilidá de dir a clases d'asturianu atopaba solución. El llamáu fechu pola familia, el propiu centru educativu ya Iniciativa pol Asturianu atrayía l'atención de la prensa y al dirixise dalgunos medios a la Conseyería, poques hores dempués del unviu de la nota de prensa, la Conseyería ufría a la familia una solución qu'anque nun ye satisfactoria del too, permite que'l neñu yá s'incorporare a les clases d'asturianu nel so centru.
Iniciativa pol Asturianu nes ondes aporta con un programa nuevu. Güei entamamos col editorial del Presidente d'Iniciativa pol Asturianu, Inaciu Galán. Darréu vamos sentir el reportaxe que ficimos n'Alderiques d'Asturies TV nel Muséu del Pueblu d'Asturies onde se presentó'l llibru dixital "Comedies de Sidros" (1876-1932). Tuvimos colos protagonistes.
Un nuevu programa d'Iniciativa pol Asturianu nes onde ta disponible. Entamamos contautando al traviés de la llinia telefónica con Isabel Hevia que ye la encargada d'empobinar un cursu dientro de la UABRA (Universidá Asturiana de Branu) onde se va falar de xestión cultural.