Cangas del Narcea acueye estos díes la celebración de la Universidá Asturiana de Branu, una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza delles actividaes. Una charra informativa sobre la organización, una folixa con con concursu de karaoke n’asturianu y la grabación con públicu del programa Iniciativa pol Asturianu nes ondes, tán ente lo programao pa estos díes en Cangas del Narcea.
Ente les actividaes entamaes por Iniciativa pol Asturianu na Universidá Asturiana de Branu esti añu, tuvieron un puestu informativu y de venta de productos, delles folixes, concursu de karaoke y un programa de radio especial con Samuel Gradín, grabáu nel comedor de la UABRA cola participación d'Ana Cano, presidenta de l'ALLA, xunto a profesores como Marta Mori, Roberto González Quevedo o Pablo Rodríguez Medina, y alumnos d'estremaes procedencies, como Xapón, Austria o Canaries.
Güei nel nuesu programa afondamos con Inaciu Galán, Presidente d'Iniciativa pol Asturianu, na engarradiella que s'entamó coles consecuencies curriculares que va aportar l'aplicación de la nueva llei d'educación (LLOMCE) n'Asturies.
Nel programa d'esta selmana entamamos diendo al conceyu Siero pa falar con Isaac Vallina del Grupu Folclóricu "El Ventolín" qu'organicen la XXXVI Selmana del Folclore Astur en La Pola dende esti llunes 6 al sábadu 11 d'abril con un garapiellu d'actividaes desendolcaes.
Esta selmana nel nuesu programa cuntamos con dos convidaos y cola nuesa seición #Deprendilasturianu. Pa entamar, contautamos col músicu y diseñador gráficu Ruma Barbero col que falamos del Premiu Alfonso Iglesias de cómic algamáu en pasaes feches amás d'otros proyeutos nos que trabaya como "Aguantando cachones".
Nesti primer programa del añu 2019, ta con nós nel nuesu estudiu Carlos del Sol que pertenez a Oscec Estremaúra, un "Coletivu pola defensa i el promovimientu del #Estremeñu".
Con él afondaremos na conocencia d'esta llingua hermana que pertenez al...
Inaciu Galán y Denis Soria, miembros de la xunta direutiva d'Iniciativa pol Asturianu, aconceyaron con Teresa Sanjurjo, direutora de la Fundación Príncipe d'Asturies, nel llar de la institución organizadora de los Premios col mesmu nome, n'Uviéu. Nel conceyu, primer contautu ente dambes organizaciones, falóse de la situación sociollingüística d'Asturies, faciendo los representantes d'Iniciativa pol Asturianu delles propuestes concretes coles que la organización camienta que "la Fundación podría facer muncho pola normalización de la llingua asturiana y pol ameyoramientu del so prestixu social".
El pasáu sábadu 19 d'ochobre celebróse nel Auditoriu d'Uviéu'l Congresu de Cultura Asturiana Mozo, un conceyu de xente del ámbitu de la cultura de menos de 35 años. Iniciativa pol Asturianu collaboró coles sos aportaciones a la ponencia dedicada a organizaciones de reivindicación llingüística y difusión cultural, que coordina Inaciu Galán, presidente de la organización. Ufrimos agora la ponencia completa.
Iniciativa pol Asturianu nes ondes emite na so rede d'emisores y del 17 al 24 d’ochobre, un programa que tien por convidáu a Xune Elipe, cantante del grupu musical Dixebra, col que Samuel Gradín charra fonderame de milenta temes.
Iniciativa pol Asturianu nes ondes emite nesta ocasión una entrevista con Francisco José Faraldo, que foi direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983).