Cangas del Narcea acueye estos díes la celebración de la Universidá Asturiana de Branu, una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza delles actividaes. Una charra informativa sobre la organización, una folixa con con concursu de karaoke n’asturianu y la grabación con públicu del programa Iniciativa pol Asturianu nes ondes, tán ente lo programao pa estos díes en Cangas del Narcea.

  

PROGRAMA COMPLETU D’ACTIVIDAES

 

  • Martes 7 d’agostu: Búscase una estrella. Canta pol asturianu.

 

Folixa con concursu de karaoke na Discoteca Zaycor. Los alumnos de la UABRA competirán cantando temes n’asturianu al karaoke nos qu’imitirán a los sos artistes preferíos. Celebraráse de magar les 22:30 hores.

 

  • Xueves 9 d’agostu: Charra informativa.

 

Miembros d’Iniciativa pol Asturianu darán una charra nel salón d’actos de la UABRA, de magar les ocho la tarde. Proyectaránse delles audiovisuales de la organización.

 

  • Xueves 9 d'agostu: Grabación en vivu del programa Iniciativa pol Asturianu nes ondes

 

Samuel Gradín tará en Cangas pa dirixir el tercer programa d'Iniciativa pol Asturianu nes ondes, que va grabase con públicu dientro de la UABRA y con Ana Cano, presidenta de l'Academia de la Llingua Asturiana, y Xosé Antón González Riaño, director de los cursos, como convidaos.

  •  
  •  
  • A lo llargo de tola UABRA instalaremos amás un puestu informativu y con llibros a baxu costu. Cola so venta van recaldase fondos pa la organización.