Iniciativa pol Asturianu nes ondes, programa de radio d'esta organización, suma una emisora más a la so rede de difusión, que suma yá trece medios. Esti ye'l primeru que va llevar el programa hasta l'occidente d'Asturies. El programa va poder sentise tolos miércoles a les 23:30 y los sábados a les 14 hores, nel 107.5 de la FM.
Iniciativa pol Asturianu nes ondes pon en marcha sección nueva col periodista Damián Barreiro, especialista en tv y con un garapiellu llibros espublizaos al respeutive. Ufrirános toles selmanes una nueva seición áu treslladaremos un mediu tan importante como ye la televisión a la radio, afondando en series, películes, etc que se podríen usar pa normalizar el nuesu idioma.
La diputada y vocera de la formación política Podemos nel Parllamentu asturianu, Lucía Montejo, fíxo-y entrega al llider del PSOE estatal Pedro Sánchez d'una carta que-y escribió una muyer de Nava reclamando la oficialidá del asturianu.
Nel programa d'esti mes de Setiembre entamamos falando col biólogu Xurde Menéndez que cola so tesis al rodiu los RNA algamó sobresaliente cum laude amás de facer usu de trés llingües nel so trabayu: l'inglés, el castellán y l'asturianu;...
Iniciativa pol Asturianu, en collaboración colos medios InfoAsturies y Conocer Asturias estrenó esti martes 7 de xineru'l primer programa de televisión "Alderiques d'Asturies" nel que cuatro convidaos falaron de la situación del asturianu na rede de redes. "Alderiques d'Asturies" ye un nuevu programa de televisión que ñaz col envís de poner enriba la mesa un asuntu del que charraremos fonderamente con diferentes convidaos, col oxetivu sentir estremaes opiniones al rodiu'l mesmu y buscando da-y una mayor presencia al asturianu nel ámbitu de la televisión.
Entamamos el nuesu programa "Iniciativa pol Asturianu nes ondes" d'esta selmana cola editorial del presidente d'Iniciativa pol Asturianu, Inaciu Galán, onde fala del despreciu, una vegada más, de los cimeros responsables de la RAE al nun camudar la definición del nuesu idioma nesti perimportanmte diccionariu por nidios perxuicios de calter políticu.
Nesta edición d'Iniciativa pol Asturianu nes ondes, María Esther García López, conceyala de cultura y educación de Castrillón, por Izquierda Xunida, que gobierna nel conceyu, denuncia que nun pue espresase n'asturianu nel plenu por mor de que-ylo pidieron dempués de que los funcionarios del mesmu allegaren nun saber asturianu pa facer l'acta.
El nuevu programa d'Iniciativa pol Asturianu nes Ondes tien como convidáu al periodista de la radio pública d'Asturies (RPA) Naciu Varillas col qu'afondamos nel entamu del primer informativu xeneralista diariu na canal radiofónica, qu'entamó emitise va delles selmanes.
La rede d'emisores qu'ufren a los sos oyentes el programa Iniciativa pol Asturianu nes ondes sigue medrando. Nestos díes súmense Onda Corvera (107.5 FM) y Onda Peñes (107.7 - 104.4 FM), llider nos conceyos de Carreño y Gozón. Con estes son once les emisores que lleven la voz de la organización y les noticies de la llingua asturiana per tol país.
Güei nel nuesu programa afondamos con Inaciu Galán, Presidente d'Iniciativa pol Asturianu, na engarradiella que s'entamó coles consecuencies curriculares que va aportar l'aplicación de la nueva llei d'educación (LLOMCE) n'Asturies.