Iniciativa... nes Ondes

Iniciativa pol Asturianu ta faciendo por meyorar la so comunicación y pa ello tien un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA.

Esta selmana ufiertamos nel nuesu programa dellos conteníos: Entamamos col Editorial del Presidente de l'asociación Iniciativa pol Asturianu, Inaciu Galán, qu'afonda na visibilidá del conflictu llingüísticu n’Asturies. El nuesu segundu convidáu ye'l periodista y collaborador habitual del nuesu programa, Damián Barreiro, col que vamos falar del so nuevu llibru "Yo, la to llingua" d'Ediciones Trabe onde la llingua asturiana cunta en primer persona la so hestoria.
Iniciativa pol Asturianu nes ondes emite un nuevu programa na so rede d'emisores per Asturies. Nesta ocasión el convidáu que mos atiende ye Victor Borja González, encargáu d'iguar el blogue de recién creación "Asturianu pa toos" (http://asturianupatoos.blogspot.com.es)
La entrega octava d’Iniciativa pol Asturinau nes ondes, programa de la organización omónima, inclúi una entrevista na que Francisco Álvarez fala del llibru "Un país llamáu Dixebra", otra con Montse Machicado, de la Estaya de Llingua d'Avilés, falando de la campaña pal cambiu de nome y apellíos al asturianu, y una tercera de Diana Alba de la web del occidente d'Asturies, Qué Femos. Amás, como siempres l’editorial y la clas d’asturianu.
Ufrimos el discursu de Bernardo y Mónica, alumnos de los VI Cursos d'Asturianu en Xixón, qu'echaron el pasáu 25 de marzu nel actu d'entrega de diplomes.
Nel programa d'esti mes cuntamos con dos convidaos, la escritora Pilar Arnaldo que mos falará del so llibru "Nel riu la fame" y col actor Antón Caamaño que ye'l primer Doctoráu n'Artes Escéniques d'Asturies con una tesis presentada n'asturianu na Universidá de Vigo.
El Conceyu de Parres aprobó, colos votos a favor de tolos grupos políticos del (PSOE, Foro, PP ya IU) la vuelta del topónimu castellanizáu “Arriondas” xunto al popular y tradicional Les Arriondes, recuperáu como oficial en 2009 por decisión del propiu Conceyu, nel plenu y ensin allegaciones de nengún tipu a la decisión.
La diputada y vocera de la formación política Podemos nel Parllamentu asturianu, Lucía Montejo, fíxo-y entrega al llider del PSOE estatal Pedro Sánchez d'una carta que-y escribió una muyer de Nava reclamando la oficialidá del asturianu.
Iniciativa pol Asturianu nes ondes llega esta selmana con una entrevita al actor Carlos Alba, conocíu col alcuñu de "Cellero, que ta presentando un nuevu trabayu col nome "La Vida de Xuanqui" onde fai una alegoría en clave asturiana de la percélebre película de los Monty Python.
Nel programa d'esti mes de xunetu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán, sobre...
El pasáu sábadu 19 d'ochobre celebróse nel Auditoriu d'Uviéu'l Congresu de Cultura Asturiana Mozo, un conceyu de xente del ámbitu de la cultura de menos de 35 años. Iniciativa pol Asturianu collaboró coles sos aportaciones a la ponencia dedicada a organizaciones de reivindicación llingüística y difusión cultural, que coordina Inaciu Galán, presidente de la organización. Ufrimos agora la ponencia completa.

Últimes noticies