La entrega octava d’Iniciativa pol Asturinau nes ondes, programa de la organización omónima, inclúi una entrevista na que Francisco Álvarez fala del llibru "Un país llamáu Dixebra", otra con Montse Machicado, de la Estaya de Llingua d'Avilés, falando de la campaña pal cambiu de nome y apellíos al asturianu, y una tercera de Diana Alba de la web del occidente d'Asturies, Qué Femos. Amás, como siempres l’editorial y la clas d’asturianu.
El programa, órganu de difusión de la organización, dirixíu por Samuel Gradín, emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)… y puede sentise tamién nes canales d'Iniciativa pol Asturianu n'Ivoox y YouTube. Amás, dende esti mes tamos tamién tolos llunes a les 18 hores en Radio Parpayuela, pa tolos conceyos de la Montaña Central.
Sentir l'octavu programa d'Iniciativa pol Asturianu nes ondes equí.
