Esta selmana ufiertamos nel nuesu programa dellos conteníos: Entamamos col Editorial del Presidente de l'asociación Iniciativa pol Asturianu, Inaciu Galán, qu'afonda na visibilidá del conflictu llingüísticu n’Asturies. El nuesu segundu convidáu ye'l periodista y collaborador habitual del nuesu programa, Damián Barreiro, col que vamos falar del so nuevu llibru "Yo, la to llingua" d'Ediciones Trabe onde la llingua asturiana cunta en primer persona la so hestoria.
Pa rematar tenemos a la nuesa mayestra Ana María Suárez cola que facemos la seición "Deprendi l'asturianu". Güei vamos conocer les races autóctones asturianes y la pallabra abellugu.
-ALDERIQUES D’ASTURIES RADIO-
Entamamos el nuesu programa, como ye vezu, cola seición que dedicamos a conocer el Tiempu que va facer n'Asturies nestos sietes díes nos que mos alcontramos. Pa ello, el nuesu collaborador David Cabal úfrenos toles previsiones meteorolóxiques.
Nel Ánxel ye ún de les poques persones que prautica la modalidá Saltu Base nel nuesu país. Vamos falar con él fonderamente d'esti tema.
Pa rematar col periodista Inaciu Galán entramos n'Agropec, la feria d'agroganadería cellebrada en Xixón.
