La Rede Europea d'Igualdá Llingüística (ELEN), de la qu'Iniciativa pol Asturianu ye entidá miembru, celebró la so Xunta Xeneral añal del 9 al 11 d'ochobre en Bucarest, Rumanía, entamada pol Conseyu d'Aromunes, con delegaos en representación de los falantes de llingües minorizaes d'Europa, p'aldericar munches de les cuestiones vitales qu'afeuten a los sos idiomes y del llabor d'ELEN nel ámbitu llocal, estatal ya internacional.
Esta selmana ufiertamos nel nuesu programa dellos conteníos: Entamamos col Editorial del Presidente de l'asociación Iniciativa pol Asturianu, Inaciu Galán, qu'afonda na visibilidá del conflictu llingüísticu n’Asturies. El nuesu segundu convidáu ye'l periodista y collaborador habitual del nuesu programa, Damián Barreiro, col que vamos falar del so nuevu llibru "Yo, la to llingua" d'Ediciones Trabe onde la llingua asturiana cunta en primer persona la so hestoria.
Iniciativa pol Asturianu nes ondes entama nesta edición cola entrevista que ficimos n'Alderiques d'Asturies TV a la Presidenta de L'ALLA (Academia de la Llingua Asturiana) Ana Cano cola que falemos de la llaceriante situación que vive l'asignatura d'asturianu nes escueles del país. Darréu podremos sentir les valoraciones de Penélope Miranda del SNL del Conceyu L.lena y de Xune Elipe, productor musical y cantante del grupu Dixebra al rodiu'l futuru del nuesu idioma.
Nel programa d'esti mes de xunetu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán, sobre...
Entamamos el nuesu programa "Iniciativa pol Asturianu nes ondes" d'esta selmana cola editorial del presidente d'Iniciativa pol Asturianu, Inaciu Galán, onde fala del despreciu, una vegada más, de los cimeros responsables de la RAE al nun camudar la definición del nuesu idioma nesti perimportanmte diccionariu por nidios perxuicios de calter políticu.
Un nuevu programa d'Iniciativa pol Asturianu nes ondes ta colgáu na rede y pue sentise nes más d'una docena d'emisores que radien el programa en toa Asturies. Entamamos falando con Inaciu Galán, escoyíu nel so segundu y últimu mandatu como Presidente de l'asociación Iniciativa pol Asturianu ñacida nel mes d’ochobre de 2011 y que dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes.
Nesta nueva edición d'Iniciativa pol Asturianu nes ondes el convidáu ye Paco Granda, periodista percélebre dende cuantayá pol so apueste pol usu del asturianu nos medios de comunicación. Anguaño presenta en TeleAsturias el programa d'alderique deportivu "Asturies ye fútbol" y falamos con él de periodismu n'asturianu nesti programa.
El cantante del célebre grupu musical asturianu Los Berrones, Ramón Blanco, charró a fondu nel programa de radio d'Iniciativa pol Asturianu onde fizo un repás de la trayectoria d'esta formación musical amás de facer un defensa del asturianu como patrimoniu de tolos asturianos y asturianes.
Francisco José Faraldo foi'l Direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983). Amás tamién tien otra afición como ye la d’escribir llibros. Nesta charra va desplicanos cómo foi el procesu alministrativu pal entamu col asturianu nes escueles y los pilancos qu'atoparon nesi camín.
Nel programa d'esti mes d'ochobre de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El nuesu segundu...