Entamamos el programa d'esta selmana cola seición #TVnaRadio col nuesu collaborador, el periodista Damián Barreiro, que mos fai un analís fonderu del nuevu espaciu n'asturianu na televisión autonómica.
Inaciu Galán, Presidente d’Iniciativa pol Asturianu, faló énte los más de setenta delegaos d'organizaciones en defensa de llingües d'Europa dientro del XXIV Congresu de Llingües y Cultures Europees Amenazaes, en Uesca. Galán esplicó la situación del idioma en distintos ámbitos nos que les alministraciones son responsables de la situación de peligru de desapaición del asturianu, talos como los medios de comunicación públicos, el procesu de recuperación de la toponimia, el sistema educativu y sobre too, la falta d'un estatus llegal pal idioma qu'otorgue la plena igualdá xurídica a los falantes d'asturianu, gallego-asturianu y castellán, que como esplicó "ha pasar pola reconocencia de la oficialidá nel Estatutu d'Autonomía".
N'Alderiques d'Asturies radio esta selmana'l nuesu convidáu ye Pablo de paraes y precarios de Peñamayor nel conceyu Bimenes onde tan trabayando a comuña dellos proyeutos alternativos. Ente les sos actividaes nes últimes feches organizaes por dellos coleutivos rescampló, coincidiendo coles fiestes de Santuyano unes xornaes baxo’l llema “Otru mundiu ye posible”. Vamos afondar nestes xornaes y toles xeres nes que se tan iguando socialmente.
