La plataforma multimedia de radio y televisión 100% n'asturianu "Alderiquesd'Asturiesfai l'estrenu d'un "Especial Premios Princesa d'Asturies" mañana xuevesdía 12 payares a les 21.00 na so web www.alderiquesdasturies.com y na so canal de Youtube.

 

El citáu reportaxe fai un analís fonderu a lo llargu una hora de duración de lo que suponen estos premios p'Asturies amás d'ufrir les estremaes opiniones de tolos protagonistes nesta edición 2015. 

 

Una montonera persones pasarán peles cámares d'Alderiques d'Asturies dendeTeresa Sanjurjo, Presidenta de la Fundación Princesa d'Asturiesqu'atiende por primera vegada a un mediu de comunicación que-y fala n'asturianu; Ana Taboada, vicealcaldesa d'Uviéu; Santiago Navarro, Presidente de Wikimedia España, ún de les entidaes premiaes nesta edición, un voceru de la Plataforma polos Premios, delles formaciones y coleutivos a la escontra d'estos gallardones, etc.

 

Esti trabayu que se realizó na selmana de los Premios espublízase depués d'unaperimportante xera na so edición pa ufrir la másima calidá a tolos asturianos/es y xenerar un material que sirva pa la reflexón y l'alderique que ta na cai al rodiu estos célebres gallardones.

Alderiques d’Asturies ye un proyeutu audiovisual n'asturianu producíu por GomeruProducciones y sofitáu pola asociación Iniciativa pol Asturianu y el mediu dixital Conocer Asturias.

El proyeutu presentóse'l 7 de xineru de 2014 cola publicación d'un primer programa na Canal de YouTube d'Alderiques d'AsturiesTamién cola apertura de perfiles nesredes sociales Facebook , Twitter y Google+.

Dende entósasoleyáronse dellos materiales nos distintos formatos, algamando una bona cantidá de visualizaciones pese a les llimitaciones qu'un nuevu proyeutu tienpa dase a conocer, consiguiendo una incidencia importante énte el públicu y una presencia curiosa nes redes sociales nesti tiempu.