Iniciativa pol Asturianu foi una de les organizaciones participantes nel I Asturies Summer Beer Festival celebráu en Xixón los pasaos 18 y 19 d'agostu con dellos convidaos cerveceros de distintos llugares y baxo la organización de Cerveces Bayura, qu'etiqueta los sos productos n'asturianu.
Xicu Ariza fala nesta entrega nueva d'Iniciativa pol Asturianu del nuevu proyeutu cultural Ixuxú Asturies-Euskal Herria Elkartea, nel que participa Iniciativa pol Asturianu ufriendo una charra informativa sobre la situación del asturianu a los centros culturales vascos, de cara a dar a conocer fuera d'Asturies la situación de la nuesa llingua en comparanza cola del vascu.
Quien fuere Presidente d’esta Institución nel 2000 y 2001 yera tamién profesor de la Universidá d’Uviéu y de la Universidá Nacional d'Educación a Distancia (UNED).
L'equipu d'Iniciativa pol Asturianu nes onde tuvo presente nel XIII Festival de Bandes de Gaites "Villa de Xixón", celebráu del 5 al 9 d'agostu, con dellos convidaos que mos contaron la situación que vive'l mundu de les bandes de gaites y de la música tradicional asturiana en xeneral.
El xueves 1 d'agostu Iniciativa pol Asturianu organizó una folixa pa recaldar fondos y dar a conocer la organización ente los alumnos de la UABRA y la xente de Cangas del Narcea.
Iniciativa pol Asturianu nes ondes tuvo grabando un programa nel Festival Intercélticu d'Avilés. Samuel Gradín, director del programa, entrevistó a dellos responsables y participantes del mesmu, nun programa qu'agora pue sentise na rede y nes emisores habituales repartíes per toa Asturies.
La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.
Yá pue consultase una edición más del boletín informativu dixital d'Iniciativa pol Asturianu. Correspuende al mes de xunetu y fai'l númberu 21.
La empresa asturiana Les Camisetes ta acabante asoleyar un cartelu pal Descensu Internacional del Seya n’asturianu. Dempués de ganar el concursu popular pal diseñu del cartelu, que de forma obligada tenía de dir en castellán, la empresa tomó la iniciativa y asoleyó tamién una versión n’asturianu del mesmu, corriendo colos gastos d’impresión. Iniciativa pol Asturianu felicita a la empresa pol so compromisu llingüísticu, pol que tamién ta venceyada a la campaña d’esta organización “La empresa asturiana muévese” y anima a la organización del Descensu a usar l’asturianu nos cartelos de les vinientes ediciones, implicándose más, yá que nesta ocasión autorizó la so realización, pero usen davezu la versión en castellán.
Un nuevu programa d'Iniciativa pol Asturianu nes Ondes que va emitise na selmana del 22 al 28 de xunetu en radios per toa Asturies, pue sentise yá na rede, al traviés de la canal de la organización n'Ivoox.