Un nuevu programa d'Iniciativa pol Asturianu nes ondes llega con delles partes del programa de televisión "Alderiques d'Asturies" nel que se fizo una cobertoria especial na Manifestación pola Oficialidá del asturianu, de la mano de Jana Suárez.
Esti eventu, qu'organiza la Xunta pola Defensa de la Llingua Asturiana, y nel que participó un añu más Iniciativa pol Asturianu, reclama añu tres añu'l camudamientu del estatus llegal llaceriante nel que s'alcuentra'l nuesu idioma.
L'editorial fala nesta ocasión del papel que tien de xugar l'asturianu na nuesa Universidá d'Uvieú, como siempres na voz d'Inaciu Galán, presidente d'Iniciativa pol Asturianu.
