 10.53.33.png)
Un reportaxe del proyectu Alderiques d'Asturies, del qu'Iniciativa pol Asturianu ye una de les entidaes entamadores, fai repás a la situación del asturianu nel sistema educativu. Pa ello, Samuel Gradín, presentador del programa, visita un institutu de la mano d'Inaciu Galán, presidente d'Iniciativa pol Asturianu y nesi momentu en práctiques de la so formación como profesor d'asturianu nel institutu.
A lo llargo del reportaxe tóquense cásique tolos problemes que vive la llingua asturiana nel sistema educativu, asina como la situación y los avances que se dieron nos años caberos.
Arriendes d'ello, el reportaxe inclúi tamién un espaciu nel qu'intervienen alumnes del centru educativu y la profesora d'asturianu del IES La Llaboral de Xixón, Beatriz Martín. Ente los testimonios más interesantes, los de les alumnes del centru espresando les sos idees sobre l'asturianu, la so situación y el futuru de la llingua.
