Esti vienres, 20 de xunu, a les 12 la mañana, el llar de l'Academia de la Llingua Asturiana, na cai L’Águila 10, d'Uviéu, Iniciativa pol Asturianu va participar nuna rueda de prensa na que va esponese la posición conxunta de delles entidaes y de l’Academia de la Llingua Asturiana alredor de la LLOMCE, el currículu d’Asturies y la enseñanza de la Llingua Asturiana.
Nel actu participarán dellos represantes d'Iniciativa pol Asturianu, xunto a la presidenta de l'Academia de la Llingua Asturiana, Ana Cano, y miembros d'entidaes como SUATEA, CC.OO de la Enseñanza, FETE-UXT, FAPA “Manuel Virgós”, FAPAS-Xixón, Sindicatu d’Estudiantes, Xunta Estudiantil Asturiana, Xunta pola Defensa de la Llingua Asturiana, Asociación Families pol Asturianu “Reciella” y otros coleutivos sociales y culturales d’Asturies.
