Iniciativa pol Asturianu ta poniendo en marcha dende va unes selmanes, contautos y conversaciones con tolos grupos políticos presentes nel Conceyu d'Uviéu. L'oxetivu ye apurrir a los grupos la so propuesta pa volver a poner en marcha'l procesu de recuperación y oficialización de los nomes tradicionales del conceyu onde s'asitia la capital d'Asturies, que lleva paráu dende va años. Dende Iniciativa pol Asturianu buscamos poner fin a esta situación de paralís, agora que nel plenu vemos un consensu positivu a favor del asturianu, como pudimos ver na votación de la nuesa propuesta pa facer visibile l'usu de la llingua asturiana nos autobuses d'Uviéu, aprobada va pocos díes o'l cambiu nel reglamentu del rexistru qu'impulsamos, pa que dexara d'haber problemes pa presentar documentos n'asturianu nel rexistru.
La estaya mensual d'Iniciativa pol Asturianu del mes d'abril na revista Fusión Asturias yá ta nos quioscos y, nesti casu, ta dedicada a la situación de l'Academia de la Llingua Asturiana.
Lleer estaya na páxina web de Fusión Asturias
El vienres 6 de mayu salimos otra vegada a la cai pa reclamar la oficialidá del asturianu. La primer gran manifestación pol asturianu tuvo llugar un 22 de xunu de 1976 en Xixón, embaxo’l lema “Autonomía rexonal. Bable nes escueles”. Cuarenta años más tarde, l’asturianu ta nes escueles de forma precaria, l’autonomía nun foi la ferramienta que s’esperaba pa salvaguardar ya impulsar hacia’l futuru a la nuesa llingua y la nuesa cultura. Pero ye innegable, diéronse pasos, anque toos ellos nun llegaron de baldre o por iniciativa propia de les instituciones, sinón gracies a la reivindicación, la movilización y la presión ciudadana a los nuesos dirixentes.
Parres ye’l próximu destín de la Xira pola Oficialidá. La campaña qu’entamen conxuntamente la Fundación Almastur ya Iniciativa pol Asturianu pretende movilizar a la sociedá civil asturiana sobre la importancia de protexer la llingua asturiana y defender la oficialidá.
La...
El llunes, 18 de febreru, Iniciativa pol Asturianu entama la presentación del poemariu tituláu "Aire, fuego y deseo" de Juan Carlos Hoyelos, un llibru que recueye dellos poemes en distintes llingües ibériques nes que s'alcuentra l'asturianu. La presentación de...
Esti miércoles 10 d’ochobre, Inaciu Galán, presidente d’Iniciativa pol Asturianu foi recibíu nel llar de la Secció Filològica del l’Institut d’Estudis Catalans (IEC), l’academia de la llingua catalana, en Barcelona. Nel conceyu, Galán presentó l’informe que solicitá al IEC un cambiu na definición de los términos “asturià”, “lleonès” y “bable” nel so diccionariu.
Iniciativa pol Asturianu quier sumase a les amueses de dolor de tantos asturianos por mor de la muerte de Luis Argüelles, fundador xunto a Avelino Moro del Muséu del Pueblu d'Asturies, espaciu imprescindible pa entender la recuperación de la cultura y la llingua asturianes nos cuarenta años últimos.
Iniciativa pol Asturianu abre’l plazu p’apuntase a la que ye la Primer edición de los Cursos d’Asturianu n'Uviéu, una esperiencia formativa qu'entamamos en collaboración cola Academia de la Llingua Asturiana (ALLA) y col Conseyu de la Mocedá del Principáu d'Asturies (CMPA). En modalidá presencial o online.
El presidentre d'Iniciativa pol Asturianu, Inaciu Galán, periodista y escritor, va dar una conferencia na Universidá d'Oxford, n'Inglaterra, el próximu xueves 20 de marzu, y dientro del marcu del XVI Forum for Iberian Studies. Embaxo'l títulu "L'asturianu: l'anomalía d'una llingua non oficial nun estáu plurillingüe", Galán va esplicar a los presentes la situación llegal del asturianu, como llingua ensin reconocimientu del estatus d'oficialidá.
Miembros d'Iniciativa pol Asturianu participaron colos petos de la organización na manifestación contra la LOMCE, nuevu proyectu de reforma del sistema educativu que pon en peligru la presencia del idioma asturianu nes escueles.