Iniciativa pol Asturianu fizo llegar estos díes a la Casa Real una petición pa que la páxina web de la institución use l’asturianu, yá que la versión nueva de la mesma inclúi versión nel restu de les llingües del estáu español. Un fechu qu’Iniciativa pol Asturianu albidra como “una marxinación de la llingua asturiana frente al restu de llingües del Reinu”.
Iniciativa pol Asturianu vien de convertise en nuevu miembru d’ELEN (European Lesser-Used Languages), una ONG que trabaya pa la promoción, protección y desenvolvimientu de les llingües minoritaries n'Europa. Nesti sen, ELEN funciona como unu de los principales defensores de les llingües a nivel européu, estatal y nacional / rexonal
L'asociación Iniciativa pol Asturianu, tres conocer la decisión del Gobiernu asturianu de recortar les sovenciones a la llingua asturiana nun 61,53%, considera esta midida un ataque inxustificáu al asturianu y considérala un pasu atrás hestóricu per parte l'executivu asturianu.
Iniciativa pol Asturianu tuvo noticia al traviés de los medios de comunicación de la posibilidá abierta de pesllar el Serviciu de Normalización Llingüística del Cabu Peñes, que da serviciu a ciudadanos y entidaes de los conceyos de Carreño y Gozón dende va años y qu’agora quier pesllase cola sida del aforrru económicu de la Mancomunidá del Cabu Peñes.
Cada mes, nel programa radiofónicu Iniciativa pol Asturianu nes ondes emítese una editorial na que la organización da la opinión sobre cuestiones llingüistiques y reflexona sobre les campañes en marcha, acciones, etc. Reproducimos equí la del mes d'agostu, dedicada a facer un reflexón sobre'l procesu d'oficialización de la toponimia tradicional n'Asturies.
Iniciativa pol Asturianu aconceyó con una representación de l'Asociación de Trabayadores de la Normalización Llingüística (ATNL). El conceyu sirvió como toma de contautu, entamu d'una estrecha collaboración ente dambos coleutivos y puesta al día de los problemes más graves que sufren los trabayadores, asina como p'abrir caminos de collaboración al traviés d'estremaes acciones.
Yá ta disponible'l boletín informativu #10, con toles noticies d'Iniciativa pol Asturianu a lo llargo del mes d'agostu. Si tovía nun lu recibes, apúntate na parte d'abaxo de la nuesa páxina web pa recibilu cada mes.
Tercer programa de radio d'Iniciativa pol Asturianu nes ondes fechu na Universidá Asturiana de Branu (UABRA), en Cangas del Narcea, y onde tuvieron como convidaos la presidenta de l'Academia de la Llingua Asturiana, Ana Cano y el direutor de la UABRA Xosé Antón González Riaño, ente otros conteníos. El programa emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)... y puede sentise tamién nes canales d'Iniciativa pol Asturianu en Ivoox y YouTube.
Representantes d'Iniciativa pol Asturianu van aconceyar esti xueves 30 d'agostu cola Asociación de Trabayadores de Normalización Llingüística, organización qu'axunta a profesionales de la política llingüística que trabayen en servicios de normalización nos conceyos n'Asturies.
Nes dos primeres selmanes d'agostu celebróse en Cangas del Narcea la Universidá Asturiana de Branu (UABRA), una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organizó delles actividaes ente les que destacaron les charres informatives, el concursu de karaoke n'asturianu y el puestu informativu y de venta de llibros a preciu de crisis. El resultáu, nuevos asociaos a la organización y la recaldación de fondos pa la organización a lo llargo de los dolce díes de duración de los cursos.

Últimes noticies