El cantante del célebre grupu musical asturianu Los Berrones, Ramón Blanco, charró a fondu nel programa de radio d'Iniciativa pol Asturianu onde fizo un repás de la trayectoria d'esta formación musical amás de facer un defensa del asturianu como patrimoniu de tolos asturianos y asturianes.
Ramón Blanco afirmó nesta entrevista d'alredor d'una hora de duración, que "l'usu del asturianu nos sos trabayos foi siempres dalgo natural y que los sos temes sáquenlos de les coses que ven na so rodiada". Amás, Blanco atalantó tamién que güei "nun se tien una política bona per parte de les instituciones hacia la nuesa llingua y llamó a cambiar esta llaceriosa situación".
