Iniciativa pol Asturianu nes ondes, el programa d’esta organización, ufre un avance del so próximu programa, un entrevista especial colos actores María Cotiello y William Miller. Samuel Gradín, director del programa aprovecha la recién entrevista con Miller, nel programa +Gente, na primera de TVE, onde l’actor fizo una defensa del asturianu como llingua, dempués de les entrugues d’Anne Igartiburu sobre les llingües que fala, cuando Miller, pareya de Cotiello, esplicó que ta deprendiendo asturianu recordando a l’audiencia “que ye un idioma”.
La selmana pasada, Illán, el neñu del colexu Auseva al que la Conseyería d'Educación del Gobiernu d'Asturies negaba la posibilidá de dir a clases d'asturianu atopaba solución. El llamáu fechu pola familia, el propiu centru educativu ya Iniciativa pol Asturianu atrayía l'atención de la prensa y al dirixise dalgunos medios a la Conseyería, poques hores dempués del unviu de la nota de prensa, la Conseyería ufría a la familia una solución qu'anque nun ye satisfactoria del too, permite que'l neñu yá s'incorporare a les clases d'asturianu nel so centru.
Nesti nuevu programa d'Iniciativa pol Asturianu nes ondes entamamos col editorial del nuesu presidente Inaciu Galán y afondamos nel nuesu programa nel llabor que faen les nomaes Oficines de Normalización Llinguística qu'hai en dellos conceyos y fasteres d'Asturies. Y entamamos con Hugo Cortina, responsable de la Oficina de Normalización Llingüística de Samartín del Rei Aurelio.
Iniciativa pol Asturianu nes ondes llega una selmana más. Entamamos falando con Xurde Álvarez, escritor de Llangréu, que vien d'asoleyar la so última obra col nome de "Lo escrito nel silenciu".
Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.
El programa radio d'Inicitiva pol Asturianu, dirixíu por Samuel Gradín pasa a ser selmana col envís de tar más apegáu al día tres día de les custiones que cinquen a la nuesa llingua. Asina, de magar esti mes, va ufrir a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde van podese sentir toles entrevistes, noticies, anuncies, etc que surdan al rodiu l'asturianu.
La nueva entrega d'Iniciativa pol Asturianu nes ondes inclúi una entrevista con Sabel Tuñón, vocal de voluntariáu, ya Inaciu Galán, presidente d'Iniciativa pol Asturianu, onde falen del so aconceyamientu cola Presidenta de la Fundación Príncipe d'Asturies.
Iniciativa pol Asturianu nes ondes emite un programa nuevu centráu na actualidá. Xosé Antón González Riaño, Vicepresidente de l'Academia de la Llingua Asturiana (ALLA) col qu'afondamos na decisión del ministru d'educación español Wert de negar la especialidá d'asturianu énte la pasividá de les autoridaes asturianes.
Esta selmana n'Iniciativa pol Asturianu nes ondes Chechu García, ún de los cabezaleros de la Tertulia Malory, de L'Entregu, qu'escoyó como meyor llibru n'asturianu de tolos editaos nel 2014 el conxuntu de cuentos "Más espeso que l’agua", de la escritora ayerana Consuelo Vega.
Xuan Pedrayes, miembru de la Compaña del Ronchel, asociación asitiada en Villaviciosa en defensa de la nuesa cultura, fala esti mes nel nuesu programa radio.