Esti martes 19 de payares, Samuel Gradín, director del programa Iniciativa pol Asturianu nes ondes, organizó nel Auditoriu d'Uviéu la grabación del programa pilotu d'un proyectu audiovisual qu'Iniciativa pol Asturianu prepara a comuña colos medios de comunicación Infoasturies.net y ConocerAsturias.

Nesti programa pilotu cuntóse con miembros de la organización pa facer pruebes y llegar al primer programa con un productu lo más profesional posible. El proyectu busca da-y un espaciu más a la llingua asturiana, al mou de lo fecho hasta agora na radio n'Iniciativa pol Asturianu nes ondes, buscando tamién la posible collaboración con canales televisivos, amás de la distribución na rede. En próximes selmanes daránse más detalles.