Nel programa d'Iniciativa pol Asturianu nes ondes de la primer selmana d'avientu cuntamos cola cantante de tonada Anabel Santiago que ye entrevistada polos escolinos y escolines del Colexu Asturamérica de Cuideiru y cola qu'afondamos na so hestoria y proyeutos, baxo la dirección de Samuel Gradín.
La última edición del programa Iniciativa pol Asturianu nes ondes dedícase a falar fonderamente con Fernán Morán, unu de los entamadores del grupu abiertu "Llingua Asturiana", en Facebook.
La diputada y vocera de la formación política Podemos nel Parllamentu asturianu, Lucía Montejo, fíxo-y entrega al llider del PSOE estatal Pedro Sánchez d'una carta que-y escribió una muyer de Nava reclamando la oficialidá del asturianu.
Contautamos con Alba López Carballo, del Club Popular de Cultura Llaranes, cola qu'afondamos nes actividaes que faen nesti pobláu averáu a la ciudá d'Avilés. Y rematamos el nuesu programa con una charra perprestosa con Xuan Xosé Sánchez Vicente, veteranu políticu asturianu que mos cuntará cómo se vivió aquella primer manifestación "Bable nes Escueles" de fai cuarenta años y el procesu de la introducción del asturianu nel primer Estatutu d'Autonomía d'Asturies.
El programa pue escuchase en 7 radios d'Asturies y en distintes plataformes dixitales como Ivoox, Spotify, Itunes y na páxina web alderiquesdasturies.com
XIXÓN, 13/02/2019 L’espaciu informativu “Iniciativa pol Asturianu nes Ondes” cumple 6 años n'antena. Esti programa mensual, qu’entamo en...
El programa Iniciativa pol Asturianu nes onde tuvo nel Colexu Asturamérica de Cuideiru grabando un programa especial colos alumnos de llingua asturiana de tolos niveles. Un programa nel que los neños participaron xunto a la so maestra de llingua...
Yá pue sentise un nuevu programa d'Iniciativa pol Asturianu nes ondes, amás de na cadena d'emisores a lo llargo de toa Asturies, na nuesa canal n'Ivoox, onde puedes descargar el podcast. Nesta ocasión facemos el nuesu programa radio dende l'IES Universidá Llaboral de Xixón.
Parte del equipu d'Alderiques d'Asturies ya Iniciativa pol Asturianu nes ondes tuvo nes aules de los VI Cursos d'Asturianu en Xixón pa esplicar el so proyectu y facer partícipes a los alumnos y alumnes de los cursos d'asturianu.
Esta selmana ufiertamos nel nuesu programa dellos conteníos: Entamamos col Editorial del Presidente de l'asociación Iniciativa pol Asturianu, Inaciu Galán, qu'afonda na visibilidá del conflictu llingüísticu n’Asturies. El nuesu segundu convidáu ye'l periodista y collaborador habitual del nuesu programa, Damián Barreiro, col que vamos falar del so nuevu llibru "Yo, la to llingua" d'Ediciones Trabe onde la llingua asturiana cunta en primer persona la so hestoria.
Nel programa d'esti mes de mayu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.