_1.jpg)
El Conceyu de Mieres, pente medies de la Casa de la Cultura y el Serviciu de Normalización Llingüística, convocó la XXV edición del Premiu “Teodoro Cuesta” de poesía n’asturianu. Esti Premiu “Teodoro Cuesta” creóse nel añu 1991 y considérase’l más prestixosu de los que se celebren n’Asturies nel ámbitu de la poesía. Ente los sos ganadores figuren los más reconocíos autores del Surdimientu. Esti añu cúmplense 25 años de la so creación.
Pa falar de too ello, cuntamos nel nuesu programa con Ánxel Álvarez Llano, l'encargáu del Serviciu de Normalización Llinguística d'esti conceyu de les Cuenques Mineres.
Pra rematar falamos col noso collaborador Moisés Cima del occidente d'Asturias na sua llingua propia, eonaviego, fala ou galego-asturiano da iniciativa d'acoyer refuxaos por parte del conceyo Grandas de Salime.
-ALDERIQUES D’ASTURIES RADIO-
Una selmana más ufiertamos la nueva seición qu'entamemos col nuesu collaborador David Cabal áu facemos la predicción meteorolóxica pa los vinientes siete díes n'Asturies.
Esti vienres y sábadu, organizáu por Darréu, va cellebrase'l DMR 2015 con un garrapiellu actividaes onde la mocedá sedrá la gran protagonista. Falamos con Adrián, miembru de Darréu.
La temporada ciclismu ta dando les caberes boquiaes depués de la disputa de les trés grandes carreres profesionales d'esta temporada, Giro, Tour y Vuelta. Na nuesa plataforma multimedia d'Alderiques d'Asturies cuntamos con un comentarista de lluxu, l'ex ciclista profesional asturianu Benjamín Noval col que vamos afondar no asocedíu nestos meses de competición
