Esta selmana nel nuesu programa Iniciativa pol Asturianu nes ondes entamamos col Editorial de l'Asociación Iniciativa pol Asturianu que reflexona al rodiu qué pue facer caún/a de nós pa col nuesu idioma. 
 
Col periodista Inaciu Galán y les declaraciones de les propies mas de les neñes afectaes, afondamos na engarradiella xurdida nel I.E.S. Emilio Alarcos de Xixón onde punxeron tolos pilancos pa que delles alumnes nun pudieren cursar la so asignatura de llingua asturiana. 
 
 
 
 
-ALDERIQUES D’ASTURIES RADIO-
 
Esta selmana entamamos una nueva seición con David Cabal. Trátase de facer toles selmanes la predicción meteorolóxica. Vamos nomala "El Tiempu n'Asturies". 
 
Otru convidáu avérase a les nueses ondes. Nesti casu ye Floro, Presidente del Proyeutu Home n'Asturies, col qu'afondaremos nel so llabor a lo llargo estos años nel ámbitu de les drogues y la so evolución y usu na sociedá asturiana.