La Dirección Xeneral de Carreteres del Gobiernu d'Asturies ta acabante instalar nueves señales viales colos nomes de Lieres, Nava, L'Infiestu y Les Arriondes nel enllaz de l'autovía A-8. Iniciativa pol Asturianu denunció qu'estes señales usen los topónimos yá derogaos "Infiesto" y "Arriondas", en cuenta de los únicos oficiales y d'obligáu usu pola alministración L'Infiestu y Les Arriondes.
Iniciativa pol Asturianu nes ondes entama nesta edición cola entrevista que ficimos n'Alderiques d'Asturies TV a la Presidenta de L'ALLA (Academia de la Llingua Asturiana) Ana Cano cola que falemos de la llaceriante situación que vive l'asignatura d'asturianu nes escueles del país. Darréu podremos sentir les valoraciones de Penélope Miranda del SNL del Conceyu L.lena y de Xune Elipe, productor musical y cantante del grupu Dixebra al rodiu'l futuru del nuesu idioma.
Iniciativa pol Asturianu organizó dos charres informatives a lo llargo del mes d'abril y coincidiendo con actos de presentación de la revista Formientu nos que collaborá la organización en Xixón y La Foz (Morcín). Nos actos espúnxose la situación del asturianu y diose a conocer el llabor de la organización. En dambos actos delles persones sumáronse como socios a la organización.
La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.
Una selmana más Samuel Gradín dirixe una edición nueva del programa de la organización, Iniciativa pol Asturianu nes ondes. La entrevista d'esta selmana ye a la percélebre cantante asturiana Cristina del Valle y n'ella sofita la oficialidá de la llingua asturiana y la cultura asturiana. La cantante y activista asturiana conocida en tol mundu pol grupu musical "Amistades Peligrosas" da asina una vegada más el so sofitu a la llingua asturiana nuna charra fondera que caltuvo estos díes.
Un nuevu programa d'Iniciativa pol Asturianu nes ondes llegar cola presentación del trabayu d’investigación sobre les opiniones de los equipos direutivos de los Centros Públicos d'Educación Primaria d'Asturies al rodiu del «Valir cultural y educativu de la escolarización de la llingua asturiana», ellaboráu pola profesora del departamentu de Ciencies de la Educación de la Universidá d’Uviéu, Isabel Hevia Artime.
La última edición del programa Iniciativa pol Asturianu nes ondes dedícase a falar fonderamente con Fernán Morán, unu de los entamadores del grupu abiertu "Llingua Asturiana", en Facebook.
Esta selmana avérase al nuesu programa'l poeta Andrés Treceño pa falanos del so primer llibru de poemes que tien el nome de "Los Cimientos" con dellos escritos n'asturianu. Amás con él afondaremos nel llabor perimportante que se ta llevando alantre con Fame Poétika, una iniciativa de xuntanza ente nuevos creadores lliterarios.
Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día.
Iniciativa pol Asturianu atopó un casu de pasos atrás pal usu del asturianu y la toponimia. El certame “Xixón de sidra”, qu’esti añu dexa nel so llogotipu nun tamañu ínfimu la forma “Xixón”, a favor de “Gijón”, cuando non la fai desapaecer, como ocurre nos toneles instalaos en tola ciudá. L’usu del asturianu nun campu siempres tan apegáu al nuesu idioma ye “inesplicable” pa la organización de reivindicación llingüística.