El programa d'Iniciativa pol Asturianu nes Ondes d'esta selmana va centrase na recién espublización d’un llibru col títulu “L’espeyu onde miranos: televisiones de proximidá n’europa Occidental y procesos de recuperación identitaria’’.
Esta selmana n'Iniciativa pol Asturianu nes ondes Chechu García, ún de los cabezaleros de la Tertulia Malory, de L'Entregu, qu'escoyó como meyor llibru n'asturianu de tolos editaos nel 2014 el conxuntu de cuentos "Más espeso que l’agua", de la escritora ayerana Consuelo Vega.
Iniciativa pol Asturianu nes ondes llega una selmana más. El programa ábrese nesta ocasión cola engarradiella con Miguel Alarcos. Falamos colos protagonistes, Raquel F. Menéndez, la poeta que careció la situación, y Rubén Rosón, conceyal n'Uviéu.
Samuel Gradín entrevista al ganador del XI Concursu de Rellatos Mineros Manuel Nevado Madrid, Paco Alvarez que mos atiende al traviés de la llinia telefónica pa falar del so rellatu y de la so carrera lliteraria.
Iniciativa pol Asturianu nes ondes emite un nuevu programa na so rede d'emisores per Asturies. Nesta ocasión el convidáu que mos atiende ye Victor Borja González, encargáu d'iguar el blogue de recién creación "Asturianu pa toos" (http://asturianupatoos.blogspot.com.es)
Tres l'anuncia de Los Verdes - Alianza Llibre Europea (EFA) d'una conferencia titulada "Radiodifusión en llingües minoritaries: ónde tamos, ónde tenemos de dir", Iniciativa pol Asturianu (IPA) quier anunciar que'l nuesu representante de Rellaciones Internacionales, Xosé B. Álvarez, va tar presente nel Parllamentu Européu p'asistir a la conferencia y presentar el programa de radio "Iniciativa pol Asturianu nes ondes" como un exemplu esitosu d'un proyectu basáu na radiodifusión nuna llingua minoritaria y en peligru.
Nel programa d'esti mes de setiembre vamos facer un "Especial UABRA (Universidá Asturiana de Branu) 2016" que se celeebró'l pasáu mes d'agostu en Cangas del Narcea.
Iniciativa pol Asturianu sigue faciendo por meyorar la so comunicación cola emisión del programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín. Nesta séptima entrega falamos con Xurde Morán, Periodista; Juan Carlos García Hoyuelos, escritor; Rubén Llames, Secretariu d'Iniciativa pol Asturianu; Inaciu Galán falando del conceyu cola Fundación Príncipe d'Asturies y delles informaciones más, como la presentación del III Cursu d'Asturianu en Xixón.
Iniciativa pol Asturianu nes ondes fala nel so sestu programa cola actriz asturiana María Cotiello y el so mozu, l’actor William Miller, d’orixe inglés y perconocíu pola so participación en series como Cuéntame o l’actual Isabel, en TVE. La militancia a favor del asturianu de Cotiello interesó a Miller pola llingua asturiana, que ta agora deprendiendo, como cuntó nel programa d’Anne Igartiburu (ver vídeu equí: http://youtu.be/ZvioQUiAcaE) Xunto a esti, otros munchos conteníos pueden sentise nesti programa.
Nel programa d'esti mes cuntamos con trés convidaos. Entamamos col Editorial de Xose Benito Álvarez, rellaciones internacionales d'Iniciativa pol Asturianu que mos fala de les consecuencies del percélebre "Brexit" pa les llingües minorizaes nel Reinu Xuníu.