Iniciativa pol Asturianunes ondes asoleya una entrevista col ciclista Samuel Sánchez, ciclista ganador d'etapes de La Vuelta y el Tour, y d'una medaya d'oru nes olimpiaes de Pequín. Na entrevista, na que Sánchez s'espresa n'asturianu, espresa la so opinión sobre l'asturianu, recordando que "la llingua asturiana ye dalgo mui de nueso y nun hai que dexar que muerra", amás dexó bien clara la so postura sobre l'estatus que necesita l'idioma d'Asturies "l'asturianu tendría de ser oficial".
Cangas del Narcea acueye estos díes la celebración de la Universidá Asturiana de Branu, una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza delles actividaes. Una charra informativa sobre la organización, una folixa con con concursu de karaoke n’asturianu y la grabación con públicu del programa Iniciativa pol Asturianu nes ondes, tán ente lo programao pa estos díes en Cangas del Narcea.
Yá puede sentise la segunda edición d'Iniciativa pol Asturianu nes ondes, con Xosé B. Álvarez, vocal de rellaciones internacionales de la organización y los músicos Marisa Valle Roso y Pablo Carrera, que falen de la so carrera y del usu del asturianu nel mundu de la música. La presentación y dirección del programa ta al cargu de Samuel Gradín.
Nel programa d'esti mes d'abril de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El nuesu...
La Dirección Xeneral de Carreteres del Gobiernu d'Asturies ta acabante instalar nueves señales viales colos nomes de Lieres, Nava, L'Infiestu y Les Arriondes nel enllaz de l'autovía A-8. Iniciativa pol Asturianu denunció qu'estes señales usen los topónimos yá derogaos "Infiesto" y "Arriondas", en cuenta de los únicos oficiales y d'obligáu usu pola alministración L'Infiestu y Les Arriondes.
Entamamos col Editorial qu'esta vegada robla Xose B. Álvarez nel que s'afonda na propuesta de privatización de la pallabra "faba". Los/es alumnos/es del cursu d'asturianu qu'organiza Iniciativa pol Asturianu tuvieron con nós charrando unos minutos y cuntándonos la so esperiencia nel mesmu.
Dientro d’estos cursos, Iniciativa pol Asturianu organizó un añu más delles actividaes. A lo llargo d'estos díes la organización tuvo un puestu informativu con venta de llibros y otros productos nes instalaciones de la Universidá. Amás, celebróse una folixa, con música, presentación informal de la revista Formientu y micro abiertu a la participación d'escritores nel llocal Bambú.
Inaciu Galán y Vítor Suárez, miembros de la dirección d’Iniciativa pol Asturianu aconceyaron esti llunes 29 d’ochobre cola diputada de Foru Asturies, Carmen Sela Fernández, en sede parllamentaria. Asina mesmo, esti miércoles 31 aconceyaron tamién, siguiendo cola so rolda de contautos con les fuercies polítiques asturianes, col senador d’Izquierda Xunida d’Asturies Jesús Iglesias y la diputada del grupu parllamentariu d'IX na Xunta Xeneral, Emilia Vázquez. Los conceyos xiraron alredor de l’actualidá del idioma y nél la organización fizo delles propuestes a dambes formaciones polítiques.
Nesta nueva edición del programa Iniciativa pol Asturianu nes ondes cuntamos nos nuesos estudios con Inaciu Galán, Presidente d'Iniciativa pol Asturianu, col qu'afondamos nes caberes noticies al rodiu'l nuesu idioma.
Iniciativa pol Asturianu nes ondes llega con un nuevu programa nel que falamos del llibru “¡Hablad en cristiano! Procesos de nacionalización llingüística na construcción de los estaos-nación”. El so autor ye l’historiador xixonés Pablo Rodríguez Alonso que mos atiende al traviés de la llinia telefónica.