A lo llargo d'estos díes pasaos, Iniciativa pol Asturianu y l’Academia de la Llingua Asturiana (ALLA) celebraron dellos actos d'inauguración de los Cursos d’Iniciativa pol Asturianu en Xixón, Uviéu y Sotrondio, amás de na modalidá a distancia.
Na inauguración de...
Nel mes de xunu munchos conceyales, y dellos diputaos y alcaldes, xuraron el cargu n’asturianu o en gallego-asturianu. Un xestu que celebramos y pol que los felicitamos. Agora, cuasi mediu añu dempués ye la hora la verdá, la hora d’analizar qué tán faciendo pola normalización del idioma nes sos respectives responsabilidaes. Y ye tamién el momentu de que los ciudadanos y ciudadanes reclamemos que los programes en política llingüística se lleven alantre.
“Tengo tres patrias: Cuba, mi lengua y mi trabajo”. Asina dicía’l discursu de Leonardo Padura na entrega los Premios Princesa d’Asturies. Un día enantes d’estes pallabres Claudia Menéndez y Darío de Dios tuvieron el placer de regala-y al Premiu de les Lletres un llibru coles tornes al asturianu de dos testos d’él: “Sonatina pa Rafela” y “La muerte feliz d’Alborada Almanza”.
La Rede Europea d'Igualdá Llingüística (ELEN), de la qu'Iniciativa pol Asturianu ye entidá miembru, celebró la so Xunta Xeneral añal del 9 al 11 d'ochobre en Bucuresti, Rumanía, entamada pol Conseyu d'Aromunes, con delegaos en representación de los falantes de llingües minorizaes d'Europa, p'aldericar munches de les cuestiones vitales qu'afeuten a los sos idiomes y del llabor d'ELEN nel ámbitu local, nacional ya internacional.
Inaciu Galán, presidente d'Iniciativa pol Asturianu y otres persones y entidaes opinen en Naguando (RPA) con Naciu Varillas, alredor del Plan de dignificación del asturianu, aprobáu na Xunta Xeneral con un gran consensu y namás los votos del PP en contra.
Iniciativa pol Asturianu y l’Academia de la Llingua Asturiana (ALLA) celebren esta tarde la inauguración de los Cursos d’Iniciativa pol Asturianu, que se faen esti añu en Xixón, Uviéu, Sotrondio, Ribeseya, Ibias y na modalidá a distancia. La inauguración de los cursos sedrá güei, llunes 19 d’ochobre a les 19 hores nel Conseyu de la Mocedá de Xixón (Avenida Manuel Llaneza 68, baxu)
Iniciativa pol Asturianu pieslla esti domingu la matriculación nos sos cursos. Entá pueden facese matriculaciones nos cursos de Xixón y Uviéu, onde les clases se celebren a partir del próximu día 19, los llunes y miércoles de 19 a 21 hores; en Sotrondio, onde les clases son los martes y xueves de 18:30 a 20:30; en Ribeseya, onde se celebren martes y xueves de 19 a 21 hores; y n’Ibias, onde’l cursu de gallego-asturianu va ponese nes feches y horarios qu’alcuerden los alumnos. Amás, el cursu a distancia sigue tamién cola matrícula abierta.
A lo llargo d'estes selmanes Iniciativa pol Asturianu tuvo presente en delles actividaes a les que convidaron a la organización pa instalar puestu infirmativu, dar a conocer l'actividá, vender productos pa recaldar fondos y facer socios nuevos.
Esta selmana ufiertamos nel nuesu programa dellos conteníos: Entamamos col Editorial del Presidente de l'asociación Iniciativa pol Asturianu, Inaciu Galán, qu'afonda na visibilidá del conflictu llingüísticu n’Asturies. El nuesu segundu convidáu ye'l periodista y collaborador habitual del nuesu programa, Damián Barreiro, col que vamos falar del so nuevu llibru "Yo, la to llingua" d'Ediciones Trabe onde la llingua asturiana cunta en primer persona la so hestoria.
Ferran Suay, vicepresidente d'European Language Equality Network (ELEN), organización al que pertenez Iniciativa pol Asturianu, tuvo falando de la situación de les llingües penínsulares nel Intergroup for Traditional Minorities, National Communities and Languages (Intergrupu poles minories tradicionales, comunidaes nacionales y llingües), del Parllamentu Européu.