Agora ta acabante asoleyar na rede un videu nel que prepara la más conocida de les recetes asturianes, la fabada. Iniciativa pol Asturianu collaboró con esi youtuber cola torna y doblaxe del videu, qu’agora permite ver a esti neñu norteamericanu cocinando fabada asturiana n’inglés y n’asturianu, con paisaxes de cuatro estaos del país de fondu.
La plataforma multimedia de radio y televisión 100% n'asturianu "Alderiquesd'Asturies" fai l'estrenu d'un "Especial Premios Princesa d'Asturies" mañana xuevesdía 12 payares a les 21.00 na so web www.alderiquesdasturies.com y na so canal de Youtube.
El citáu reportaxe fai un analís fonderu a lo llargu una hora de duración de lo que suponen estos premios p'Asturies amás d'ufrir les estremaes opiniones de tolos protagonistes nesta edición 2015.
Iniciativa pol Asturianu y la Universidá d'Uviéu roblaron va dos años un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. La organización ta agora en cata de persones interesaes en sumase al equipu de trabayu de la organización demientres el so periodu de práctiques de Grau, máster o títulu propiu.
Yá ta dispobible na rede'l boletín informativu de setiembre y ochobre, con toles noticies d'Iniciativa pol Asturianu. Llegamos asina al númberu 47.
Esti sábadu, día 7, presentóse nel Espacio Joven, en Sanander (Cantabria), l'asociación Alcuentru. Esta asociación surde coles mires de defender y promocionar el patrimoniu llingüísticu cántabru. Nel actu tuvieron dellos miembros d'Iniciativa pol Asturianu, convidaos a un alderique alredor del futuru de la variedá asturlleonesa falada en Cantabria.
El pautu ente PSOE, PP ya IX que ta acabante anunciase alredor de l’anovación de la dirección de la RTPA y pol qu'Antonio Virgili confírmase na dirección xeneral, un cargu nel que lleva en funciones dende 2011 "nun ye una bona noticia pa la llingua asturiana". "Una radiotelevisión asturiana tien sentíu siempres que seya una ferramienta vertebradora de la sociedá, divulgadora de la so realidá y normalizadora de les llingües d’Asturies. Lo contrario ye un marafundiu de perres inesplicable cuando cuntamos con una canal pública en castellán con desconexones p’Asturies, y con decenes de canales privaes", espliquen dende Iniciativa pol Asturianu.
Iniciativa pol Asturianu nes ondes llega una selmana más. El programa ábrese nesta ocasión cola engarradiella con Miguel Alarcos. Falamos colos protagonistes, Raquel F. Menéndez, la poeta que careció la situación, y Rubén Rosón, conceyal n'Uviéu.
Un pautu ente PSOE, PP ya IX ta acabante d’anunciase alredor de l’anovación de la dirección de la RTPA. Antonio Virgili, confírmase na dirección xeneral, un cargu nel que lleva en funciones dende 2011. Esta nun ye una bona noticia pa la llingua asturiana.
Estos últimos díes tan asoleyándose munches anuncies y delles opiniones sobro l’usu del asturianu. Eses pallabres que mos lleguen nun son nada prestoses pa esta asociación nin pa nengún de los asturianos por tar faltes de xuiciu, de saber tar y d’educación. Iniciativa pol Asturianu, como asociación que mira siempre pola normalización, el respetu y el caltenimientu de la llingua asturiana quier dar anunciu del so paecer.
Entrevista a Raquel Fdez, estudiante de la Universidá d’Uviéu que lleó un poema n’asturianu na presentación de l’antoloxía “Homenaxe a los poetes de la Cátedra Emilio Alarcos”, editada pola Cátedra Emilio Alarcos de la Universidá d’Uviéu.