Coincidiendo coles fiestes, Iniciativa pol Asturianu celebra esti vienres 18 d'avientu un Alcuentru d'Asociaos na cervercería IPA de Xixón. L'actu lúdicu va ser una folixa na que van entregase los nuevos carnés de sociu/a, amás de cuntar con otres actividaes como una preba de cerveza Bayura, cerveza fabricao en Xixón y etiquetao n'asturianu.

La folixa, organizada pa los socios, ta abierta tamién a otres persones que quieran averase a conocer la organización. Ente les actividaes tamién ta previsto celebrar la entrega de diplomes del cursu d'asturianu en Xixón, que remata estos díes la so edición seronda-iviernu 2015.