Esti vienres 24 de mayu l'Atenéu Llibertariu d'Uviéu organiza una mesa redonda embaxo'l títulu "¿Qué pasa cola llingua?", a la que se convidó a participar a Iniciativa pol Asturianu. L'actu sedrá a les siete y media la tarde nel so llocal nel 37 de la cai Ricardo Montes d'Uviéu, nel barriu de Ciudá Naranco. Participarán nel actu, xunto a Iniciativa pol Asturianu, Reciella y Trafego.
Esta selmana Iniciativa pol Asturianu nes ondes llega a la fastera lleonesa onde vamos falar fonderamente col músicu y artesanu, Fran Allegre. Va cuntanos el trabayu abondu importante que ta faciendo na recuperación del nuesu idioma común neses tierres de Lleón.
El Grupu Municipal d'Izquierda Xunida n'Uviéu ta acabante presentar una proposición urxente pal so alderique nel plenu próximu. Na mesma van solicitar a los xestores del Conceyu qu'adopten l'usu del asturianu con normalidá, dempués de qu'Iniciativa pol Asturianu denunciara que-y prohibieron presentar un documentu nesta llingua nel Rexistru de la institución. IX va solicitar nel plenu que'l Conceyu d'Uviéu se comprometa a tramitar escritos n'asturianu y que se forme a los funcionarios nel usu del idioma. Dende Iniciativa pol Asturianu valoramos de forma positiva esta solicitú y animamos a toles fuercies polítiques del conceyu a sumase a estes propuestes pa dar pasos alantre nel usu del asturianu n'Uviéu.
Si nun te llega al corréu, yá puedes lleer les noticies de payares y avientu nel nuesu boletín informativu dixital.
Yá puede sentise la segunda edición d'Iniciativa pol Asturianu nes ondes, con Xosé B. Álvarez, vocal de rellaciones internacionales de la organización y los músicos Marisa Valle Roso y Pablo Carrera, que falen de la so carrera y del usu del asturianu nel mundu de la música. La presentación y dirección del programa ta al cargu de Samuel Gradín.
Iniciativa pol Asturianu convoca a los medios pa una rueda de prensa que va a facese esti martes 21 d’avientu a les 18:00 hores na Sala de Prensa del Edificiu Hestóricu de la Universidá d’Uviéu (C/ San Francisco, 1).
Nesta...
Iniciativa pol Asturianu espresa’l so pesar pola muerte del notariu uvieín, Luis Fernández Posada, la selmana pasada. Fernández Posada foi una persona comprometida cola llingua asturiana llegando a permitir el rexistru d’una empresa utilizando la llingua asturiana.
La organización de...
El sábadu pasáu, 10 de xineru, zarró’l plazu pa presentar candidatures a los Premios Timón 2015 entamaos pola Asociación Cultural L’Arribada. Feches públiques les nominaciones, Iniciativa pol Asturianu ta nesta ocasión nominada pal III Premiu Timón de Cultura Asturiana, un premiu empobináu a asociaciones, sociedaes y fundaciones con sede n’Asturies que tengan por fin la conservación y promoción de la identidá cultural de nueso.
Iniciativa pol Asturianu fai una valoración xeneral positiva de la presencia de la llingua asturiana na 68.ª Feria Internacional de Muestres d’Asturies (FIDMA), anque considera que siguen esistiendo espacios onde’l tratamientu del idioma ta mui llueñe de responder a...
El programa d'Iniciativa pol Asturianu sigue sumando emisores peles que se radia. Dempués del ésitu de la primer edición del programa, que yá s'emite en Radio Sele, AllerFM y Radio Ujo, agora súmase a esti llistáu Radio Alma, emisora multillingüe de Bruxeles, capital de Bélxica, onde va poder sentise'l programa d'esta organización. Radio Alma, emisora fundada en 1978 pa la emigración presente na ciudá, n'especial de llatinoamérica y el sur d'Europa, emite en tola contorna de Bruxeles al traviés del 101.9 de la FM, amás de pa tol mundu al traviés de la so páxina web. L'asturianu y les noticies sobre la reivindicación llingüística van llegar agora a los miles d'asturianos que viven na capital europea.