Como si duna máquina del tiempu se tratare volvemos a venos nes cais glayando Bable nes escueles como yá ficiera esti movimientu de reivindicación llingüística nos años setenta y ochenta. La llingua asturiana cuerre peligru nel espaciu principal pal so espardimientu pola mor de la nueva llei deducación, la nomada Llei Wert.

 

La norma vien del estáu central, pero ¿podemos fianos de la defensa que faigan les instituciones asturianes de la presencia del asturianu nes escueles? Recordemos que la llamentable situación de lasignatura, del profesoráu que la imparte (entá ensin ver reconocida la so especialidá) y que nun se dieran más pasos na inclusión del asturianu nes escueles (como llingua vehicular, por exemplu), tien un únicu responsable: el Gobiernu dAsturies, coles diferentes cares que tuvo al frente, y el nuesu parllamentu, que se negó a facer del asturianu una llingua oficial, como les demás.

 

Si dalgo bono podemos sacar desti momentu ye la movilización del profesoráu dasturianu. Tenemos daprovechar esi puxu que se da agora pa siguir reclamando una presencia seria del asturianu nes escueles y una situación llaboral nigualdá de condiciones del profesoráu.

 

Pa nós hai dos coses clares nesti ámbitu: En primer llugar, lasturianu ha ser una asignatura pa tolos alumnos, una asignatura normal, non una optativa nin voluntaria, non enfrentada a otres materies. Y en segundu llugar, dar pasos pa que lasturianu se convierta na llingua vehicular dotres asignatures, buscando un modelu afayadizu pAsturies que permita que lasturianu seya llingua dusu habitual nes aules.

 

Ye la única manera de garantizar una sociedá billingüe, una sociedá llibre daveres pa escoyer qué llingua quier usar. Porque si a los asturianos nun se mos da la posibilidá de deprender el nuesu idioma con un nivel suficiente nel sistema educativu, enxamás podremos tener la llibertá pa usalu na nuesa vida diaria.