La Xunta Direutiva d'Iniciativa pol Asturianu aconceyó esti miércoles 30 de mayu pa tratar les cuestiones organizatives de cara a esti branu. Nel conceyu planificáronse próximes campañes, la creación d'un nuevu modelu de sociu basáu na aportación de tiempu de trabayu a un bancu d'hores, creación d'audiovisuales y la organización de la presencia na cai nos meses vinientes, ente otres cuestiones.
Iniciativa pol Asturianu quier denunciar la llamentable situación del idioma que se ta viendo nestes feches dende toles instituciones, que nin siquier faen un usu simbólicu del idioma. En primer llugar, y como yá denunció la organización l'añu pasáu, el xefe d'estáu, el Rei Felipe VI, nun felicitó les fiestes n'asturianu, como si fizo col restu de les llingües del Estáu nel discursu de Navidá.
Iniciativa pol Asturianu celebra'l Día Internacional de la Llingua Materna y failo con regalos pa les persones que vos faigáis socios d'Iniciativa pol Asturianu estos díes. Nun hai escusa, dende 20 euros al añu y agora amás... ¡con premiu! Los primeros en facese socios van recibir distintos regalos que van dir xubiéndose a les redes sociales. En cuantes qu'haya ganadores va xubise'l siguiente premiu y asina a lo llargo de los próximos 10 díes.
La selmana qu’entra, los díes 2 y 3 de mayu, Inaciu Galán, el periodista y activista, miembru d’Iniciativa pol Asturianu que sedrá recibíu como miembru de l’Academia de la Llingua Asturiana esti 6 de mayu, va participar como espertu...
Les organizaciones Iniciativa pol Asturianu y Ástura entamen un actu d'alcordanza a la memoria d'Emilio Robles Muñiz, conocíu pol nomatu de Pachín de Melás, unu de los autores en llingua asturiana más populares del sieglu XX. Esti mes pasáu cumpliéronse 75 años de la so muerte na cárcele d'El Coto en Xixón y dende Iniciativa pol Asturianu vese más necesario que nunca reconocer la so figura "yá que les entidaes públiques nun faen un res pola so memoria nestos díes". La última fía viva de Pachín y otros familiares confirmaron yá la so presencia nel actu.
El programa d'Iniciativa pol Asturianu nes Ondes d'esta selmana va centrase na recién espublización d’un llibru col títulu “L’espeyu onde miranos: televisiones de proximidá n’europa Occidental y procesos de recuperación identitaria’’.
Iniciativa pol Asturianu fizo llegar va delles selmanes a la “Fundación Príncipe de Asturias” una carta solicitando qu’use l’asturianu nes sos actividaes y mui especialmente nos Premios Príncipe. Destacaben que na so páxina web nun incluya al asturianu, cuando puede lleese hasta en 11 llingües distintes, y cuando la otra fundación del Príncipe, la Príncipe de Girona, inclúi una versión en catalán como páxina principal y un llogotipu billingüe en castellán y catalán.
El cuestionariu ellaboráu pa la recoyida de resultaos entruga únicamente poles llingües oficiales, nel casu d’Asturies, el castellán. En nengún casu se fai mención alguna al asturianu. D’esta forma, namás se recueyen les respuestes de les persones que,...
Cristina Coto, vocera de Foru Asturies na Xunta Xeneral d'Asturies, recibió nel parllamentu al presidente d'Iniciativa pol Asturianu, Inaciu Galán, esti miércoles 9 de xunetu, nun conceyu concertáu pa falar cola diputada represenante del grupu de Foru alredor de la presencia del asturianu na nueva llei de la RTPA, asina como d'otres cuestiones d'actualidá que cinquen a la presencia de la llingua asturiana nel sistema educativu o nos prespuestos de 2015.
La organización Iniciativa pol Asturianu llamenta fondamente la non aprobación de la propuesta d'Ordenanza pal Usu del Asturianu nel Conceyu de Noreña presentada pol grupu políticu Conceyu Abiertu. La propuesta recibió’l sofitu de Frente por la Izquierda y la organización que la presentaba, a los que felicitamos pol so compromisu na normalización del idioma en Noreña. Nun podemos, por embargu, más qu’amosar el nuesu descontentu con IDEAS y PSOE pola so decisión de votar en contra, que significa votar contra'l futuru del asturianu.