Entamu Iniciativa... nes Ondes

Iniciativa... nes Ondes

Iniciativa pol Asturianu ta faciendo por meyorar la so comunicación y pa ello tien un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA.

Nel programa d'esti mes d'ochobre de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán. El nuesu segundu...
Iniciativa pol Asturianu nes ondes ufre esta selmana un programa especial que grabemos na UABRA (Universidá Asturiana de Branu) colos/es alumnos/es del Cursu de xestión cultural que s'ufiertó dientro'l programa académicu. Nel espaciu aldericaremos fonderamente al rodiu la política cultural n'Asturies.
Iniciativa pol Asturianu nes ondes emite un nuevu programa. El convidáu nesta ocasión ye Pablo Suárez, doctor en Filoloxía pola Universidá d'Uviéu, que fixo'l descomanáu llabor de tornar al asturianu la obra cimera de Cervantes "El Quixote".
Iniciativa pol Asturianu nes ondes fala nel so sestu programa cola actriz asturiana María Cotiello y el so mozu, l’actor William Miller, d’orixe inglés y perconocíu pola so participación en series como Cuéntame o l’actual Isabel, en TVE. La militancia a favor del asturianu de Cotiello interesó a Miller pola llingua asturiana, que ta agora deprendiendo, como cuntó nel programa d’Anne Igartiburu (ver vídeu equí: http://youtu.be/ZvioQUiAcaE) Xunto a esti, otros munchos conteníos pueden sentise nesti programa.
Nesti nuevu programa d'Iniciativa pol Asturianu nes ondes entamamos col editorial del nuesu presidente Inaciu Galán y afondamos nel nuesu programa nel llabor que faen les nomaes Oficines de Normalización Llinguística qu'hai en dellos conceyos y fasteres d'Asturies. Y entamamos con Hugo Cortina, responsable de la Oficina de Normalización Llingüística de Samartín del Rei Aurelio.
Cangas del Narcea acueye estos díes la celebración de la Universidá Asturiana de Branu, una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza delles actividaes. Una charra informativa sobre la organización, una folixa con con concursu de karaoke n’asturianu y la grabación con públicu del programa Iniciativa pol Asturianu nes ondes, tán ente lo programao pa estos díes en Cangas del Narcea.
Nel programa d'esti mes cuntamos con dos convidaos, la escritora Pilar Arnaldo que mos falará del so llibru "Nel riu la fame" y col actor Antón Caamaño que ye'l primer Doctoráu n'Artes Escéniques d'Asturies con una tesis presentada n'asturianu na Universidá de Vigo.
Entamamos el nuesu programa d'esta selmana col editorial de Xose B. Álvarez que reflexona alrodiu'l desenvolvimientu de l'asignatura d'asturianu nes escueles del país. La nuesa siguiente convidada ye Esther Rubio, la poeta l.luarquina ta presentando'l so nuevu llibru con versión n'asturianu "Semienta de llibertá".
Iniciativa pol Asturianu nes ondes aporta con un programa nuevu. Nesta ocasión el programa entama cola editorial de la organización, pal mes de xineru, na voz d'Inaciu Galán, presidente d'Iniciativa pol Asturianu. Darréu pueden sentise los cuentos de los escolinos del Colexu Asturamérica de Cuideiru que foron premiaos nel concursu del Valle del Ese-EnteCabos.
Los díes 23 y 24 de xunu Iniciativa pol Asturianu va participar nun alcuentru européu dedicáu a compartir actividaes entamaes por entidaes en defensa y promoción de llingües europees amenzaes. Sedrá nuna alcuentru que se fai dientro de los actos de Donostia, capital europea de la cultura 2016 y va axuntar a decenes d’entidaes de toa Europa n’Hernani embaxo’l nome "Hitzargiak-Llingües que s’allumen unes a otres".

SÍGUINOS

7,636SiguidoresPréstame
1,314SiguidoresSiguir
5,673SiguidoresSiguir
300soscriptoresSoscríbite

Últimes noticies