Iniciativa pol Asturianu va collaborar cola empresa Gaba Energía pal usu del idioma en diferentes campañes publicitaries de la empresa enerxética, asina como nes comunicaciacones nes redes sociales corporatives de la compañía. Gaba Energía pretende amosar d’esta manera la so sensibilidá llingüística y el so compromisu nesti sentíu.
La compañía treslladó’l so interés d’afondar nesi respetu al patrimoniu llingüísticu y los reponsables consideraron qu’Iniciativa pol Asturianu podría collaborar nesi usu y normalización nes comunicaciones de la empresa. La organización de reivindiación llingüística agradez a Gaba Energía el so interés por facer presente la llingua asturiana y considera mui bona noticia ver que caldía más empreses tienen en cuenta el patrimoniu llingüísticu dientro de la so responsabilidá social corporativa. La compañía quier demostrar el so interés na defensa y promoción del patrimoniu llingüísticu ya implicase nel usu del idioma p’averase y conectar de manera más directa colos sos posibles veceros.
Dende Gaba apostamos pol usu del asturianu, poro, ponemos a la disposición de tolos socios d’Iniciativa pol Asturianu un descuentu de 20€ al añu por date d’alta con nós:
¡Aprovéchate d’esti descuentu adicional al meyor preciu del mercáu!
Amás vas tar contribuyendo al cuidu del mediu ambiente yá que el 100% de la nuesa enerxía ye d’orixe anovable.
