El llar de l'Academia de la Llingua Asturiana va acoyer mañana, xueves 20 a les 12 hores, la celebración d'una rueda de prensa na que van va intervenir Ana Mª Cano, Presidenta de l’ALLA, xunto a representantes de les más de venti asociaciones, entidaes y organizaciones que sofiten el manifiestu “Cinco puntos por unos medios públicos al serviciu d’Asturies” [Al rodiu de la presencia de la Llingua Asturiana na RTPA]
Representantes d'Iniciativa pol Asturianu y del Conceyu Universitariu pol Asturianu aconceyaron esta selmana pasada con Ramón Durán, Defensor del Universitariu de la Universidá d'Uviéu, pola mor del casu de discriminación llingüística sufríu na Facultá de Formación del Profesoráu a finales de 2013. Nel conceyu algamóse'l compromisu de tomar acciones pa evitar que vuelvan a repitise casos como'l denunciáu va dellos meses.
La nueva entrega d'Iniciativa pol Asturianu nes ondes inclúi una entrevista con Sabel Tuñón, vocal de voluntariáu, ya Inaciu Galán, presidente d'Iniciativa pol Asturianu, onde falen del so aconceyamientu cola Presidenta de la Fundación Príncipe d'Asturies.
Esti xueves 6 de febreru, represenantes del colectivu Iniciativa pol Asturianu van aconceyar con Teresa Sanjurjo, directora de la Fundación Príncipe d'Asturies, nel llar d'esta entidá n'Uviéu. El conceyu celébrase un añu dempués de los primeros contactos ente les dos organizaciones, cuando dende Iniciativa pol Asturianu se-y solicitó a la entidá organizadora de los Premios Príncipe d'Asturies que la llingua asturiana tuviere presencia na so actividá.
Siguimos n’Iniciativa pol Asturianu nes ondes con más convidaos y falamos esta selmana con Xulio Llaneza que ñaz en Perabeles, parroquia de Santa Bárbola, conceyu de Samartín del Rei Aurelio. Realiza los estudios primarios na Escuela "El Corralón" y termina'l bachilleratu nel Institutu Virxe de Cuadonga d'El Apurro. Acaba la carrera de Maxisteriu na Universidá d'Uviéu, sacando oposiciones al cuerpu de mayestros nel añu 1981. Ye amás llicenciáu en Filosofía y Lletres y Doctor en Filoloxía Hispánica pola Universidá de les Islles Baleares.
Yá ta disponible un mes más el boletín informativu dixital d'Iniciativa pol Asturianu, que recueye les noticies más importantes que dio l'actividá de la organización nes selmanes últimes.
Inaciu Galán, presidente d'Iniciativa pol Asturianu, taba convidáu al programa "De hoy no pasa" en TPA, onde presenta un programa n'asturianu. Na so intervención demientres un xuegu qu'entruga pall abres n'asturianu afirmó "los asturianos yá saben asturianu, lo qu'hai que da-yos ye una televisión n'asturianu, que ye lo que reclamen y necesiten".
El Coleutivu de Paraos y Precarios de Siero y Noreña denunció ayeri que l'alcalde de Noreña, Cesar Movilla, de al FSA-PSOE, negó-yos a estos ciudadanos l'usu de la llingua asturiana al traviés d'un escritu nel qu'obliga a esti coleutivu a volver a presentar el documentu "en castellano". Pa Iniciativa pol Asturianu esti ye un fechu que, amás de dir contra la llexislación vixente, lo que ye bien grave que se faiga dende les instituciones, ye un ataque a la dignidá y la igualdá de los ciudadanos asturianos que deciden en llibertá espresase na so llingua propia.
Nesta segunda edición del programa televisivu “Alderiques d’Asturies”, Samuel Gradín tien como convidaos a Marco Antuña, miembru del comité d'empresa de Caxastur-Liberbank, Samuel Fernández, representante de l'Asamblea de trabayadores de Tenneco y Rubén Díaz, voceru del Coleutivu de Paraos y Precarios d'Asturies. Con toos ellos afóndase na so situación y tolo que ta asocediendo anguaño nel ámbitu llaboral n'Asturies.
Iniciativa pol Asturianu nes ondes aporta con un programa nuevu. Nesta ocasión el programa entama cola editorial de la organización, pal mes de xineru, na voz d'Inaciu Galán, presidente d'Iniciativa pol Asturianu. Darréu pueden sentise los cuentos de los escolinos del Colexu Asturamérica de Cuideiru que foron premiaos nel concursu del Valle del Ese-EnteCabos.