Siguimos n’Iniciativa pol Asturianu nes ondes con más convidaos y falamos esta selmana con Xulio Llaneza que ñaz en Perabeles, parroquia de Santa Bárbola, conceyu de Samartín del Rei Aurelio. Realiza los estudios primarios na Escuela "El Corralón" y termina'l bachilleratu nel Institutu Virxe de Cuadonga d'El Apurro. Acaba la carrera de Maxisteriu na Universidá d'Uviéu, sacando oposiciones al cuerpu de mayestros nel añu 1981. Ye amás llicenciáu en Filosofía y Lletres y Doctor en Filoloxía Hispánica pola Universidá de les Islles Baleares. 
 
Asinamesmu ye miembru de l'Academia de la Llingua Asturiana y sociu d'Iniciativa pol Asturianu, y tien recoyida tola toponimia oral de los cinco parroquies del conceyu de Samartín del Rei Aurelio (Santa Bárbola, Blimea, San Andrés de Llinares, Cocañín y Samartín), la de la parroquia cabraliega de Berodia y les de Carrio y Tolivia de Llaviana. Esta toponimia apaez recoyida en dellos cuadernos editaos pola Academia de la Llingua Asturiana. 
 

Artículos venceyaosMás del autor