Iniciativa pol Asturianu rexistró una reclamación ayeri al Conceyu de Cangas del Narcea mostrando’l so malestar pol incumplimientu de la toponimia na cartelería de los conciertos pa conmemorar los mil años del entamu de la construcción del Monasteriu de...
Dende la organización considérase importante la meyora de los conteníos n’asturianu en RTPA con midíes que garanticen la presencia del idioma nel ente públicu
Inaciu Galán, presidente d’Iniciativa pol Asturianu, pidió esta mañana que “l’asturianu tea presente na negociación presupuestaria...
La Compañía Asturiana de Comedies, el grupu teatral con más años al llombu, celebra los cien años del xéneru conocíu como teatru costumista asturianu o teatru asturianu y de la so propia actividá nesti ámbitu, con una esposición na que collabora Iniciativa pol Asturianu. La esposición, asina como'l programa d'actividaes ye billingüe n'asturianu y castellán.
La Xunta Direutiva d'Iniciativa pol Asturianu aconceyó de forma ordinaria en Xixón el pasáu sábadu 21 de xunetu. L'aconceyamientu sirvió pa facer repás de les actividaes y campañes entamaes a lo llargo de los meses pasaos. Aprobóse la celebración d'un conceyu cola Asociación de Trabayadores de Normalización Llingüística pal mes d'agostu, asina como la presencia en dellos actos y celebraciones, ente les que destaca la Universidá Asturiana de Branu de l'ALLA, onde se celebrarán delles actividaes.
Pablo Xuan Manzano, miembru de l’Academia de la Llingua Asturiana, inauguró los VI Cursos d'Asturianu en Xixón agradeciendo a lniciativa pol Asturianu'l llabor fechu na formación de cientos de persones nel usu del idioma d'Asturies, nun actu nel que tamién participaronJavier Cubero, del Conceyu Universitariu pol Asturianu ya Inaciu Galán, presidente d’Iniciativa pol Asturianu.
Iniciativa pol Asturianu, en collaboración col Conceyu Universitariu pol Asturianu (CUPA) abre’l plazu p’apuntase a la quinta edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y el Conseyu de Mocedá de Xixón. Los cursos que se van facer una edición más na sede del Conseyu de la Mocedá de Xixón (Avda. Manuel Llaneza, 68), van entamar a partir del 6 d'ochobre, cuntando con 36 hores llectives cada nivel.
Samuel Gradín entrevista al ganador del XI Concursu de Rellatos Mineros Manuel Nevado Madrid, Paco Alvarez que mos atiende al traviés de la llinia telefónica pa falar del so rellatu y de la so carrera lliteraria.
Iniciativa pol Asturianu nes ondes, el programa d’esta organización, ufre un avance del so próximu programa, un entrevista especial colos actores María Cotiello y William Miller. Samuel Gradín, director del programa aprovecha la recién entrevista con Miller, nel programa +Gente, na primera de TVE, onde l’actor fizo una defensa del asturianu como llingua, dempués de les entrugues d’Anne Igartiburu sobre les llingües que fala, cuando Miller, pareya de Cotiello, esplicó que ta deprendiendo asturianu recordando a l’audiencia “que ye un idioma”.
Repitímoslo munches vegaes, los problemes del asturianu tán n’Asturies y nos nuesos representantes políticos, asina como pasa nel restu de territorios onde ye llingua propia. La oficialidá sigue siendo’l camín precisu pa poner en marcha un cambiu. Sicasí, pa Iniciativa pol Asturianu trabayar el campu internacional ye dende qu’entamamos el nuesu llabor, un trabayu imprescindible y al que pensamos que nun se pue renunciar. De mano porque la situación del asturianu nun ye única, y ye importante conocer la situación d’otres llingües en momentos asemeyaos del so procesu de normalización.
Iniciativa pol Asturianu ta acabante presentar a la sociedá Inspección Técnica de Vehículos de Asturias S.A. (ITVASA) un escritu pa desixir la presencia de la llingua asturiana y del eonaviegu na cartelería y nes informaciones de les diferentes estaciones...