Iniciativa pol Asturianu quier espresar el so pesar más fondu pol fallecimientu de Xesús Cañedo Valle, Chus Cañedo, una persona comprometida cola cultura y la llingua asturianes.
Xesús Cañedo Calle nació’l 9 d’avientu de 1958. Vecín del barriu de Trubia...
Iniciativa pol Asturianu punxo en marcha estos díes una campaña p'afalar el regalu n'asturianu nes fiestes navidiegues, promocionando a les empreses qu'ufren productos y servicios n'asturianu y animando a los consumidores a mercar n'elles.
Iniciativa pol Asturianu súmase esti xueves a la manifestación convocada polos sindicatos del enseñu contra la LOMCE, nomada Llei Wert. La organización amuesa la so postura contraria a esta llei que podría acabar cola presencia del asturianu nel sistema educativu.
Les ‘lletrones’ nueves de Ḷḷuarca incumplen la toponimia oficial de la capital del conceyu de Valdés. El conxuntu escultóricu instaláu nel entamu d’esti añu 2024 solo cuenta cola versión deturpada, en contraposición colo que recueye’l Decretu 30/2021, de 11...
L’Asociación de Capitales Europeas del Deporte (ACES Europe) concedió a Xixón la distinción de Ciudá Europea del Deporte 2016. Dende Iniciativa pol Asturianu, denunciamos l’usu incorrectu del topónimu nos actividaes y na propaganda que se ta faciendo pa los actos organizaos al rodiu d’esti eventu y esiximos l’usu de la toponimia oficial en tolos ámbetos.
Iniciativa pol Asturianu va participar na convocatoria del Conseyu Asesor de la Llingua asturiana del Conceyu de Xixón, que va celebrase'l viniente xueves 7 de mayu. Una convocatoria que la organización reclamó que se celebrara talo y como afiten los estatutos. Dende Iniciativa pol Asturianu entendemos que, magar teamos nes caberes selmanes del mandatu del actual Conceyal, Carlos Rubiera, ye importante trabayar hasta l'últimu minutu en midíes a favor del asturianu.
Como cada mes, Iniciativa pol Asturianu apurre información de la so actividá a socios y simpatizantes de la organización al traviés del so Boletín informativu dixital. Esti boletín ufre información completa de l'actividá de la organización a lo llargo del mes, asina como l'avance de dalgunes cuestiones futures. Puedes apuntate con namás introducir el to corréu nel estoyu al final d'esta páxina. Puedes lleer el númberu 13 equí.
Iniciativa pol Asturianu quier denunciar el casu que la Cooperativa El Nocéu-y facía llegar estos díes alredor d’una situación de discriminación llingüística que sufrieron énte la Tesorería Xeneral de la Seguridá Social na que nun fueron almitíos los sos estatutos por tar redactaos n’asturianu, obligándolos a presentalos en castellán.
Iniciativa pol Asturianu sofita la solicitú fecha pol Conceyu Universitariu pol Asturianu, a la Universidá d’Uviéu pa pidir un cambiu nel artículu 25.2 apartáu A) del Regalmentu de Doctoráu, onde se diz: “La memoria que recoge la labor realizada en la tesis doctoral se redactará en español”, solicitándose qu’apaeza’l siguiente epígrafe: “La memoria que recoge la labor realizada en la tesis doctoral se redactará en español o asturiano”
La emisora uvieina Radio Qk incorpórase a la rede d'emisores qu'emiten el programa de radio de la organización Iniciativa pol Asturianu. Toles selmanes nel 107.3 Mhz de la FM n'Uviéu y la redolada va poder sentise esti espaciu radiofónicu onde se dan noticies, entrevistes y una montonera cosuques n'asturianu, embaxo la dirección de Samuel Gradín.