Yá ta disponible un mes más el boletín informativu dixital d'Iniciativa pol Asturianu, que recueye les noticies más importantes que dio l'actividá de la organización nes selmanes últimes.
Inaciu Galán, presidente d'Iniciativa pol Asturianu, taba convidáu al programa "De hoy no pasa" en TPA, onde presenta un programa n'asturianu. Na so intervención demientres un xuegu qu'entruga pall abres n'asturianu afirmó "los asturianos yá saben asturianu, lo qu'hai que da-yos ye una televisión n'asturianu, que ye lo que reclamen y necesiten".
El Coleutivu de Paraos y Precarios de Siero y Noreña denunció ayeri que l'alcalde de Noreña, Cesar Movilla, de al FSA-PSOE, negó-yos a estos ciudadanos l'usu de la llingua asturiana al traviés d'un escritu nel qu'obliga a esti coleutivu a volver a presentar el documentu "en castellano". Pa Iniciativa pol Asturianu esti ye un fechu que, amás de dir contra la llexislación vixente, lo que ye bien grave que se faiga dende les instituciones, ye un ataque a la dignidá y la igualdá de los ciudadanos asturianos que deciden en llibertá espresase na so llingua propia.
Nesta segunda edición del programa televisivu “Alderiques d’Asturies”, Samuel Gradín tien como convidaos a Marco Antuña, miembru del comité d'empresa de Caxastur-Liberbank, Samuel Fernández, representante de l'Asamblea de trabayadores de Tenneco y Rubén Díaz, voceru del Coleutivu de Paraos y Precarios d'Asturies. Con toos ellos afóndase na so situación y tolo que ta asocediendo anguaño nel ámbitu llaboral n'Asturies.
Iniciativa pol Asturianu nes ondes aporta con un programa nuevu. Nesta ocasión el programa entama cola editorial de la organización, pal mes de xineru, na voz d'Inaciu Galán, presidente d'Iniciativa pol Asturianu. Darréu pueden sentise los cuentos de los escolinos del Colexu Asturamérica de Cuideiru que foron premiaos nel concursu del Valle del Ese-EnteCabos.
La organización Iniciativa pol Asturianu felicitó a la directora de la Fundación Príncipe d'Asturies pol usu per primer vegada na actividá de la entidá del asturianu y gallego-asturianu nes sos comunicaciones. Dambes entidaes aconceyaren a finales del añu 2012 pa tratar cuestiones alredor del usu del asturianu y agora eses conversaciones dan los primeros frutos.
Los persones que trabayamos pol futuru de la llingua asturiana, tamos avezaos a llevar golpes. Tanto que paez que cuando consiguimos pequeñes victories nel camín, nun sabemos xestionales.
Esti martes 14 de xineru a les 19 hores va celebrase una presentación del programa "Alderiques d'Asturies" nel espaciu cultural La Manzorga (cai del Carmen, 20, Xixón)
Iniciativa pol Asturianu quier sumase a les amueses de dolor de tantos asturianos por mor de la muerte de Luis Argüelles, fundador xunto a Avelino Moro del Muséu del Pueblu d'Asturies, espaciu imprescindible pa entender la recuperación de la cultura y la llingua asturianes nos cuarenta años últimos.
Iniciativa pol Asturianu, en collaboración colos medios InfoAsturies y Conocer Asturias estrenó esti martes 7 de xineru'l primer programa de televisión "Alderiques d'Asturies" nel que cuatro convidaos falaron de la situación del asturianu na rede de redes. "Alderiques d'Asturies" ye un nuevu programa de televisión que ñaz col envís de poner enriba la mesa un asuntu del que charraremos fonderamente con diferentes convidaos, col oxetivu sentir estremaes opiniones al rodiu'l mesmu y buscando da-y una mayor presencia al asturianu nel ámbitu de la televisión.