El procesu de recuperación y normalización de la toponimia asturiana plantegóse como si esta parte de la realidá llingüística fuera daqué dafechu independiente al restu del idioma. Nun pue pretendese que nuna sociedá onde nun se normaliza una llingua, ésta seya normal solo na cuestión toponímica. La normalización de la toponimia tien que formar parte d'un procesu de normalización absolutu, nel que seya un elementu más, non discordante col restu de la realidá llingüística.
Nesta edición d'Iniciativa pol Asturianu nes ondes, María Esther García López, conceyala de cultura y educación de Castrillón, por Izquierda Xunida, que gobierna nel conceyu, denuncia que nun pue espresase n'asturianu nel plenu por mor de que-ylo pidieron dempués de que los funcionarios del mesmu allegaren nun saber asturianu pa facer l'acta.
El diariu El Comercio asoleyaba esti vienres 21 de febreru y coincidiendo col Día Internacional de la Llingua Materna, una carta abierta del presidente d'Iniciativa pol Asturianu, Inaciu Galán, dirixida al Presidente d'Asturies, el socialista Javier Fernández. Na carta faise un llamáu a Fernández, al so gobiernu y a la so formación, la FSA-PSOE, pa que camuden la so postura contraria a la oficialización del asturianu ya impulsen esti procesu hacia la normalidá de la llignua natal de munchos asturianos y asturianes.
Dende l'añu 2000 la UNESCO impulsa la celebración del Día Internacional de la Llingua Materna en tol mundu. L'asturianu, como llingua materna de munchos ciudadanos y ciudadanes, vive una situación de desigualdá y cuerre peligru real de desapaecer. Nesti día, puedes facer un xestu y collabora col so futuru faciéndote sociu d'Iniciativa pol Asturianu dende 20 euros al añu
Iniciativa pol Asturianu participó esti xueves 20 de febreru na presentación del manifiestu ‘Cinco puntos por unos medios públicos al serviciu d’Asturies’, al que se dio llectura nel llar de l'Academia de la Llingua Asturiana n'Uviéu, cola presencia de represenantes de les más de venticinco asociaciones que roblen el documentu y de la presidenta de l'ALLA, Ana Cano.
El llar de l'Academia de la Llingua Asturiana va acoyer mañana, xueves 20 a les 12 hores, la celebración d'una rueda de prensa na que van va intervenir Ana Mª Cano, Presidenta de l’ALLA, xunto a representantes de les más de venti asociaciones, entidaes y organizaciones que sofiten el manifiestu “Cinco puntos por unos medios públicos al serviciu d’Asturies” [Al rodiu de la presencia de la Llingua Asturiana na RTPA]
Representantes d'Iniciativa pol Asturianu y del Conceyu Universitariu pol Asturianu aconceyaron esta selmana pasada con Ramón Durán, Defensor del Universitariu de la Universidá d'Uviéu, pola mor del casu de discriminación llingüística sufríu na Facultá de Formación del Profesoráu a finales de 2013. Nel conceyu algamóse'l compromisu de tomar acciones pa evitar que vuelvan a repitise casos como'l denunciáu va dellos meses.
La nueva entrega d'Iniciativa pol Asturianu nes ondes inclúi una entrevista con Sabel Tuñón, vocal de voluntariáu, ya Inaciu Galán, presidente d'Iniciativa pol Asturianu, onde falen del so aconceyamientu cola Presidenta de la Fundación Príncipe d'Asturies.
Esti xueves 6 de febreru, represenantes del colectivu Iniciativa pol Asturianu van aconceyar con Teresa Sanjurjo, directora de la Fundación Príncipe d'Asturies, nel llar d'esta entidá n'Uviéu. El conceyu celébrase un añu dempués de los primeros contactos ente les dos organizaciones, cuando dende Iniciativa pol Asturianu se-y solicitó a la entidá organizadora de los Premios Príncipe d'Asturies que la llingua asturiana tuviere presencia na so actividá.
Siguimos n’Iniciativa pol Asturianu nes ondes con más convidaos y falamos esta selmana con Xulio Llaneza que ñaz en Perabeles, parroquia de Santa Bárbola, conceyu de Samartín del Rei Aurelio. Realiza los estudios primarios na Escuela "El Corralón" y termina'l bachilleratu nel Institutu Virxe de Cuadonga d'El Apurro. Acaba la carrera de Maxisteriu na Universidá d'Uviéu, sacando oposiciones al cuerpu de mayestros nel añu 1981. Ye amás llicenciáu en Filosofía y Lletres y Doctor en Filoloxía Hispánica pola Universidá de les Islles Baleares.