Iniciativa pol Asturianu participó na convocatoria del Conseyu Asesor de la Llingua asturiana del Conceyu de Xixón, del que ye miembru dende la última modificación de los estatutos. La entidá fizo delles propuestes a lo llargo del conceyu, tales como la fecha al conceyal Carlos Rubiera, presidente del Conseyu, de facer una política de billingüismu total, usando l'asturianu xunto al castellán en tolos materiales de la so conceyalía, que nun recibió'l preste de Rubiera.
Amás, esplicamos la necesidá d'informar a tolos órganos del Conceyu nel usu de la toponimia oficial, asina como usar la Oficina de Normalización Llingüística nos demás departamentos, dándola a conocer, pues detectamos qu'inclusive dientro de la institución del conceyu sigue ensin concese abondo la so esistencia.
Dimos la bienllegada a la nueva responsable de la Oficina, Verónica Rodríguez y punximos de relieve la escasa asistencia al Conseyu, onde nun tuvieron represenantes de dalgunos de los sindicatos más importantes, nin de dellos partíos partíos políticos. Amás reclamamos que'l Conseyu tenga la periodicidá marcada polos sos estatutos, qu'obliguen a convocalu cada tres meses como mínimo.
