Tres un conceyu celebráu nos últimos díes en Xixón ente miembros de les direutives de la Casa d'Asturies en Valencia y d'Iniciativa pol Asturianu, llegóse al alcuerdu de poner en marcha un cursu d'asturianu de forma conxunta nel llar d'esti centru asturianu asitiáu en territoriu valencianu.
Un añu más Iniciativa pol Asturianu participó de les actividaes de la Universidá Asturiana de Branu (UABRA) entamada pola Academia de la Llingua Asturiana, la Universidá d'Uviéu y el Conceyu de Cangas del Narcea. Dellos socios y otres persones collaboraron pa poner en marcha un puestu informativu y de venta de llibros y otros productos que sirven pa recaldar fondos pa la entidá.
Estos díes Iniciativa pol Asturianu participaba nun alcuentru en Miranda de l Douro, el territoriu de Portugal onde se fala una varidá d’asturianu que llamen mirandés. Esti camín ente Asturies y Miranda, qu’agora percorremos nunes poques hores, yera va sieglos un llargu espaciu que llevaba selmanes percorrer y que se convirtió nunu de los primeros reinos europeos.
Iniciativa pol Asturianu va participar el viniente 16 d'agostu nel Ancontro Blogueiros de l Praino, na comarca portuguesa de Miranda dl Douro, que comparte llingua con Asturies, y onde la llingua asturiana, nomada ellí “mirandés”, tien reconocencia oficial. Nestos actos participen represenantes d'entidaes de tol dominiu llingüísticu. Xunto a Iniciativa pol Asturianu tarán Faceira de Lleón, Furmientu de Zamora, la entidá asturlleonesa El Teixu y l'Associçón de Lhéngua i Cultura Mirandesa.
Iniciativa pol Asturianu va celebrar esti xueves 31 de xunetu un concursu "Pasopallabra" colos alumnos de la UABRA. Basáu nel esitosu programa de televisión, el concursu va facese a partir de les 22:30 na Disco Zaycor, en Cangas del Narcea y bien cerca de les instalaciones de la Universidá Asturiana de Branu (UABRA), de l'Academia de la Llingua Asturiana, onde estos díes Iniciativa pol Asturianu tien amás instaláu un puestu informativu y de venta de productos.
Iniciativa pol Asturianu llamenta no más fondero la noticia sobre la muerte de Felipe Prieto (Zamora, 1941-Uviéu, 2014), escritor n'asturianu con una obra curtia asoleyada pero d'abonda calidá. Prieto yera amás miembru de l'Academia de la Llingua Asturiana dende los sos entamos.
Iniciativa pol Asturianu nes ondes emite un nuevu programa. El convidáu nesta ocasión ye Pablo Suárez, doctor en Filoloxía pola Universidá d'Uviéu, que fixo'l descomanáu llabor de tornar al asturianu la obra cimera de Cervantes "El Quixote".
Esti miércoles, 30 de xunetu a les 19:30 hores, va entamar na Sociedá Cultural Xixonesa, allugada nel 4 de la cai Balmonte Miranda, de Xixón. Como ye vezu y compromisu de la Direutiva, los aconceyamientos tán abiertos a l'asistencia y participación de tolos asociaos.
Como ye vezu cada mes, Iniciativa pol Asturianu informa a asociaos y simpatizantes de la entidá de l'actualidá de la llingua asturiana y de l'actividá de la nuesa entidá al traviés del Boletín Informativu dixital que s'apurre al traviés de corréu lletrónicu a miles de persones.
Apurrimos el testu del diariu de sesiones de la Xunta Xeneral d'Asturies, del 17 de xunetu de 2014, nel que'l Partíu Popular defendió una propuesta cola que queríen facer competir al asturianu con otres asignatures, amás de Cultura Asturiana, en primaria. La respuesta foi de refugu de toles fuercies, menos UPyD, derrotando esti ataque por 33 votos (FSA-PSOE, Foru Asturies ya Izquierda Xunida) frente a 11 (PP+UPyD) Son bien interesantes les defenses feches polos voceros d'educación de tolos partíos.