Iniciativa pol Asturianu ufre per segundu añu una charra informativa nes actividaes d'Ixuxú Asturies-Euskal Herria Elkartea, un dossier nel que s'ufren estremaes propuestes culturales y sociales que venceyen al País Vascu y Asturies, col envís de que centros culturales vascos puedan contratales.
El nuevu programa d'Iniciativa pol Asturianu nes Ondes tien como convidáu al periodista de la radio pública d'Asturies (RPA) Naciu Varillas col qu'afondamos nel entamu del primer informativu xeneralista diariu na canal radiofónica, qu'entamó emitise va delles selmanes.
Tres el conceyu con miembros d'Iniciativa pol Asturianu y el Conceyu Universitariu pol Asturianu del Defensor Universitariu, Ramón Durán Rivacoba, ésti fizo llegar al Rector de la Universidá d'Uviéu, Vicente Gotor, una carta con delles reclamaciones y recomendaciones alredor de la situación de la llingua asturiana na instutición asturiana. Esto asocedió dempués del casu de marxinación sufríu por un alumnu a finales del añu pasáu, cuando una funcionaria-y facía llegar l'alvertencia de que nun presentare más documentos n'asturianu nel rexistru de la Universidá, lo que contradiz la norma actual, que reconoz esti drechu a tolos miembros de la comunidá universitaria.
El domingu pasáu, 30 de marzu, celebróse un actu d'entrega de los premios del concursu ¿Qué cuentes?, organizáu por Abierto hasta el Amanecer en collaboración con Iniciativa pol Asturianu. Alejandra Sirvent (Pravia, 1980) foi la ganadora de la estaya d'asturianu con "Solombres", y tuvo na entrega, onde Inaciu Galán, presidente d'Iniciativa pol Asturianu, -y fizo entrega del gallardón, un llote de llibros, otru de la revista Formientu, y un diploma acreitativu.
La Xunta Xeneral trabaya na redacción y aprobación de la nueva llei que regule’l sector públicu audiovisual. Nesti nuevu testu, ye imprescindible que se recueya una política clara no que cinca al papel que tienen que xugar los medios públicos nel llabor de normalización del asturianu.
Esti domingu 30 de marzu a partir de les 19:30 hores, el CMI El Llano, asitiáu na cai Ríu d'Oru, númberu 37, va acoyer la entrega de los premios del
Alejandra Sirvent (Pravia, 1980) ye la ganadora de la estaya d'asturianu del concursu lliterariu de l'asociación Abierto hasta el Amanecer, col que collaboró Iniciativa pol Asturianu y la revista Formientu. El rellatu ganador titúlase "Solombres".
La ganadora del premiu na estaya d'asturianu va ver vista la so obra asoleyada na revista Formientu, amás d'un lloter de llibros, y un llote de revistes Formientu, que tamién va recibir el ganador por una obra en castellán.
El concursu lliterariu ¿Qué cuentes...? tuvo por ganador de la estaya de castellán a José Manuel Romero Santos.
Información y testos ganadores na páxina d'AHA
La Facultá de Formación del Profesoráu y Educación de la Universidá d'Uviéu celebró'l pasáu 25 de marzu la xornada "La situación de la llingua asturiana nel sistema educativu n'Asturies". Iniciativa pol Asturianu collaboró cola so celebración y participó con un charra sobre la situación del asturianu na Universidá d'Uviéu.
Alejandra Sirvent (Pravia, 1980) ye la ganadora de la estaya d'asturianu del concursu lliterariu de l'asociación Abierto hasta el Amanecer, col que collaboró Iniciativa pol Asturianu y la revista Formientu. El rellatu ganador titúlase "Solombres".
El presidentre d'Iniciativa pol Asturianu, Inaciu Galán dio una conferencia na Universidá d'Oxford, el pasáu 20 de marzu, y dientro del marcu del XVI Forum for Iberian Studies. Embaxo'l títulu "L'asturianu: l'anomalía d'una llingua non oficial nun estáu plurillingüe", Galán esplicó l'anómala situación llegal del asturianu, solo compartida col aragonés nel estáu español, como llingua ensin reconocimientu d'oficialidá dientro del marcu d'un estáu con otres llingües oficiales.
Esta selmana nel nuesu programa colamos d'Asturies y falamos col profesor Juan Carlos Moreno Cabrera que ye doctor en Filosofía y Lletres pola Universidá Autónoma de Madrid y, dende 1993, caderalgu de Llingüística Xeneral na Universidá Autónoma de Madrid. Ye célebre poles sos espublizaciones y conferencies onde amuesa una opinión percrítica col tratamientu que se-y da a toles llingües del estáu español, nun siendo'l castellán, per parte de les instituciones polítiques y académiques.