Iniciativa pol Asturianu collabora xunto con otres entidaes pol concursu entamáu pol programa de radio "El Xarabatu" de la emisora llocal Llaviana Fm 107.7. Esti concursu cunta cola collaboración de los colexos públicos, Elena Sanchez Tamargo, de Llaviana y Maximiliano Arboleya, de Barredos, un concursu de rellatos curtios con dibuxu, dirixíu, a los escolinos y escolines, de Primaria, que reciben clases d'asturianu, y que va tener trés categoríes de premios y un premiu especial.
Inaciu Galán, presidente d'Iniciativa pol Asturianu, participó esti llunes 14 de marzu nel programa Noche tras noche, na RPA. Ellí comentó la campaña Decálogu Drechos Llingüísticos que la organización tien en marcha nes redes sociales hasta'l Día de les Lletres.
Asoleyamos equí esti artículu de Darío de Dios, esponsable de la estaya d'enseñu d'Iniciativa pol Asturianu. Un artículu nel que respuende al asoleyáu por Ignacio Blanco en La Nueva España. Intentóse per tolos medios, y esperóse un tiempu más prudencial, pero La Nueva España nun cumplió la promese de publicalu, nin siquier na versión acurtiada que s'iguó pa tal efectu.
La estaya mensual d'Iniciativa pol Asturianu na revista Fusión Asturias yá ta nos quioscos. Este presencia respuende a la política d'Iniciativa pol Asturianu de difundir de la meyor manera posible la situación del asturianu y el trabayu de la organización.
Iniciativa pol Asturianu amplia’l plazu hasta'l domingu 27 de marzu p'apuntase a los Cursos d’Iniciativa pol Asturianu en Xixón, Uviéu, Avilés, Sotrondio y a distancia, entamaos en collaboración cola Academia de la Llingua Asturiana.
Gracies al apoyu de miles de persones en Change.org y a les movilizaciones entamaes por esti atropellu a los drechos civiles, la propuesta del PP de nun permitir que s'use l'asturianu na Xunta Xeneral, nun tien apoyu yá de nengunu de los partíos del parllamentu asturianu.
Güei, 1 de marzu, Iniciativa pol Asturianu entama a difundir el so "Decálogu de Drechos Llingüísticos". Dende esta selmana y hasta'l Día de les Lletres Asturianes, vamos ufrivos un nuevu drechu llingüísticu cada martes a les 20 hores nes redes sociales, hasta completar el Decálogu.
La Vicealcaldesa d’Uviéu, Ana Taboada, en representación del Conceyu d’Uviéu anunció güei de mañana’l resultáu del procesu participativu ‘Da vida al bulevar’ nel que la ciudadanía podía decidir el futuru nome de la entrada a la ciudá d’Uviéu pela A-66. Ente les distintes opciones, foi la de “San Julián de los Prados” la que más votos algamó.
2profesenapuros.com punxo en marcha va unes selmanes un proyectu p'asoleyar una axenda en distintes llingües ente les que ta l'asturianu. Iniciativa pol Asturianu collabora con esti proyectu sofitándolu y dándolu a conocer n'Asturies.
Esti xueves 25 febreru a les puertes de la Xunta Xeneral una concentración pola dignidá del asturianu axuntó a cientos de persones por mor de les llaceriantes declaraciones de la cabezalera del PP n'Asturies, Mercedes Fernández "Cherines", onde amosaba la so allegría por algamar qu'el castellán fuere la única llingua a usar na Xunta Xeneral. Iniciativa pol Asturianu tuvo cola so pancarta y equí recoyemos dalgunes de les noticies apaecíes en prensa.